नर्सिङ दिवस : उचित सेवा सुविधा नहुँदा नेपाली नर्सहरू मर्कामा, विदेशिनेको संख्या बढ्दै
काठमाडौं । हरेक वर्षको माघ १५ गते नेपाल नर्सिङ दिवस मनाइन्छ । नेपालमा नर्सिङको इतिहास त्यति लामो छैन । सन् १९४७ मा वीर अस्पतालको स्थापनापछि स्वास्थ्य सहायकका रुपमा शुरु भएको नर्सिङ पेशाप्रति पछिल्लो समय धेरैको आर्कषण बढेको छ ।हरेक वर्ष माघ १५ का दिन नेपालमा नेपाल नर्स दिवस मनाइन्छ । सन् १९४७ मा वीर अस्पतालको स्थापनापछि स्वास्थ्य सहायकका रुपमा केही कम्पाउन्डर र भारतमा तालिम लिएर आएका केही ब्यत्तिहरु मात्रै थिए । उतिबेला ड्रेसिङ लगायत अन्य उपचारहरु कम्पाउन्डर या डाक्टर आफैले गर्ने गर्दथे।
बाहिरी विश्व युद्वका बेलामा घाइते भएकाहरुलाई फ्लोरेन्स नाईटिङ्गिले नाम गरेकी महिलाले उपचार गर्ने, औषधि दिने कामबाट शुरु भएको यो पेशालाई पछि नर्सिङको नाम दिइएको हो । नेपालमा भने नर्सिङको इतिहास विसं २०१३ बाट शुरु भएको देखिन्छ । केही नेपाली चेलीहरुले औपचारिक रुपमा नर्सिङको तालिम लिएसँगै नेपालमा नर्सिङ पेशा शुरु भएको हो ।आजभोलि अस्पताल अनि क्लिनिकहरुमा नर्सहरुको बाक्लै उपस्थिति देख्न सकिन्छ । शहर शहरमा नर्सिंङ कलेजहरु खुलेका छन् । नर्सहरुको महत्व धेरै भए तापनि नर्सिङ विषयलाई पछि पारिएको देखिन्छ । नेपालमा नर्सहरुको विषयमा चासो नदेखाएको भन्दै बेला बेलामा कुरा पनि उठ्ने गरेका छन् । नेपालमा नर्सिङ कोर्षको शुल्क धेरै भएको र पारिश्रमिक थोरै हुने भएकाले नेपाली नर्सहरु मर्कामा पर्ने गरेका छन् ।
सरकारी र निजी अस्पतालमा उपचारका लागि जानेको चाप उतिनै हुँदा सरकारी र निजी अस्पतालका नर्सहरुमा कामको भार उतिनै हुन्छ । तर सरकारी अस्पतालमा काम गर्ने नर्सहरुले सरकारले तोकेको पारिश्रमिक, सेवा सुविधा पाए पनि निजी अस्पतालका नर्सले सरकारले तोकेको अनुसार कुनै सेवा सुविधा नपाएको गुनासो गरेका छन् ।पछिल्लो समय कोभिडका कारणले गर्दा बिरामीको संख्या बढेको र अस्पतालका कर्मचारी पनि संक्रमित हुँदा जनशक्तिको अभाव पनि भएको छ । नेपालमा काम गरे अनुसार सेवा सुविधा नपाएकै कारणले धेरै जनशक्ति विदेशिने गरेकाले जनशक्ति अभाव भएको उनीहरुको भनाइ छ ।निजी अस्पतालका कर्मचारीलाई सरकारको पक्षबाट कुनै सेवा प्रदान भएको छैन । निजी तथा सरकारी अस्पतालहरुलाई सरोकारवालाहरुले ध्यान नदिँदा निर्सिङ पेशामा नै समस्यामा परेको छ ।नर्सिङ दिवस विश्वभर महत्वमा साथ मनाइदै आए तापनि नेपालमा भने नर्सिङ पेशालाई पछाडि पारिएको छ । सम्बन्धित निकायको ध्यान नजाँदा पछि परेका नर्सहरुको मनेबल बढाउन नर्सको हकमा बोल्नु पर्ने सरोकारवालाहरुले जोड दिएका छन् ।
