काँग्रेस बैठकमा शेखरले भने, ‘निर्वाचनमा कुनै पार्टीसँग गठबन्धन गर्नु हुँदैन’

नेपाली काँग्रेसका केन्द्रीय सदस्य शशांक कोइरालाले आगामी स्थानीय तह निर्वाचनमा काँग्रेसले कुनै पार्टीसँग गठबन्धन गर्नु नहुने बताएका हुन् । बिहीबार बसेको नेपाली काँग्रेसको कार्यसम्पादन समितिको बैठकमा बोल्दै नेता कोइरालाले आगामी स्थानीय तहको निर्वाचनमा कुनै पार्टीसँग गठबन्धन गर्नु नहुने धारणा राखेका हुन् ।

बैठकपछि सञ्चारकर्मीलाई संक्षिप्त रूपमा प्रतिक्रिया दिँदै उनले बैठकमा आफ्नो अस्तित्व जोगाउनका लागि अन्य पार्टीसँग नमिली एक्लै जानुपर्ने धारणा राखेको बताए । उनले भने, ‘मैले के भने भने हामी आफ्नै अस्तित्व जोगाउनुपर्छ । हामी कोही अर्को पार्टीसँग नमिलेर हामी जानुपर्छ भनेर मैले मात्रै बोले यसको बारेमा । मैले स्पष्टताका साथ राखेँ ।’

नेता कोइरालाले एमसीसी परियोजना पारित गर्नुपर्ने बताउनुभयो । स्थानीय तहको निर्वाचन नजिकै आएकाले पार्टीको भातृसंगठनहरुको अधिवेशन निर्वाचनपछि गराउने कुरा भएको पनि उनले बताए ।