प्रधानमन्त्रीद्रारा कंडेलको ‘बोनसको यो जीवन’ नामक पुस्तक बिमोचन 

नवलपरासी । नेपाली काँग्रेसका केन्द्रिय सदस्य एव पुर्व गृह राज्य मन्त्री देवेन्द्रराज कँडेलको ‘बोनसको यो जीवन’ नामक पुस्तक विमोचन भएको छ । सोमवार प्रधानमन्त्री शेरबहादुर देउवाले कँडेलको यो पुस्तक विमोचन गर्नु भएको हो ।

विमोचन समारोहपछि बोल्दै कँडेलले पुस्तकमा २०६० भदौ १२ गते कुसुन्तीमा आफैं माथि भएको आक्रमणका बारेमा चर्चा गरिएको बताउनु भयो  । उहाले आक्रमणमा तत्कालीन माओवादी संलग्न रहेको र सोही सेरोफेरोमा पुस्तक तयार गरेको बताउनु भयो  । सांसद कँडेलको पुस्तक भित्र विभिन्न शीर्षकमा घटना विवरण सहित ४ खण्डमा राखिएको छ । उहाका अनुसार  २सय ७२ पेजको यो  पुस्तकमा पारिवारिक तथा राजनीतिक गविविधिहरु समाबेश गरिएको छ ।

 कँडेलले पुस्तक बिक्रीबाट आएको आयलाई नेपाल नेत्रज्योती संघ नवालपरासीको आई हस्पिटलमा आर्थिक रुपमा विपन्नहरुलाई उनीहरुको मोतिविन्दुको निःशुल्क अप्रेशनको लागि र आँखा सम्बन्धित उपचारको लागि खर्च गर्ने उद्देश्य रहेको पनि बताउनु भयो ।