बुटवलमा आयुर्वेद सेवा सम्बन्धी समन्वयात्मक समिक्षा गोष्ठी

बुटवल/ रुपन्देही जिल्लामा रहेका आयुर्वेद संस्थाहरुसंग आयुर्वेद सेवा कार्यक्रमको प्रभावकारिता र देखिएका चुनौतीहरुबारे समनवयात्मक समिक्षा गोष्ठी गरिएको छ। आयुर्वेद संस्थाहरुले बिगतमा गरेका र आगामी कार्यक्रम योजनाबारे सो गोष्ठीमा छलफल गरिएको हो ।

रुपन्देहीका बिभिन्न स्थानीय तहहरुमा संचालन भएका आयुर्वेद औषाधलयका प्रमुख तथा प्रतिनीधिहरुको उपस्थितिमा भएको कार्यक्रममा भएको गोष्ठीमा आधारभुत स्वास्थ्य सेवा, नागरिक आरोग्यता सेवा तथा आयुर्वेद सेवाको प्रभावकातिा, मुलयांकन तथा गुणस्तरियता सेवा प्रवाहको सुनिश्चिित्ताबारे छलफल भएको थियो।

साथै गोष्ठीमा सहभागीहरुले आयुर्वेद सेवाको प्रभावकारिता राम्रो र दिर्घकालिन समाधानको सेवा भएपनि स्थानीय तहमा पुरानो संरचनामा निर्माण भएका औषधालयहरुको भौतिक अवस्था कमजोर अभाव तथा दक्ष जनशक्ती र प्रयाप्त औषधीहरुको अभावका कारण सेवा प्रवाहमा फितलोे भएको बताएका थिए। यस्तै कतिपय स्थानीय तहहरुमा आयुर्वेद औषधालय नाम मात्र भएको तर त्यसको कुनै भौतिक संरचना नभएकोले पनि सेवा प्रवाहमा चुनौती देखिएको भन्दै स्वास्थ्य मन्त्रालयले बिशेष ध्यान दिई आयुर्वेद चिकित्सालाई प्राकृतिक चिकित्साको रुपमा बिस्तार गर्न आग्रह गरेका थिए। कार्यक्रममा स्वास्थ्य मन्त्रालय चिकित्सा महाशाखाका प्रमुख पुष्पराज पौडेलले आयुर्वेद सेवा कार्यक्रमलाई प्रभावकारी रुपमा संचालन गर्न देखिएका चुनौतीहरु र त्यसका समाधानबारे आवस्यक योजना बनाएर मन्त्रालय अघि बढ्ने प्रतिबद्धता व्यक्त गर्नु भयो।

आयुर्वेद सेवा प्राकृतिक उपचार पद्धतीसंग जोडेर दिर्घ तथा जिर्ण रोगहरुको सही निदान र उपचार सेवा भएको बताउदै स्वास्थ्य मन्त्रालय चिकित्सा महाशाखाका प्रमुख पौडेलले गाउ गाउमा सेवा बिस्तार र सबै नागरिकको पहुंचमा पुर्याउन आवस्यक रहेको बताउनु भयो। लुम्बिनी आयुर्वेद चिकित्सा बिकास समितिका अध्यक्ष शिव ज्ञवालीको अध्यक्षतामा समपन्न कार्यक्रममा लुम्बिनी आयुर्वेद चिकित्सालयका कार्यालय प्रमुख डा.नलिमनाथ गिरीले लुम्बिनी आयुर्वेद चिकित्सालयमा बहिरंग सेवा, पञ्चकर्म सेवा अन्तर्गत पुर्वकर्म सेवाका सर्वांग स्वेदन, शिरोधारा, जानुबस्ती, कटीबस्ती, स्तनपाई आमाको लागि दुग्धबद्र्धक औषधी वितरण, जेष्ठ नागरिक जरा जन्य रोगहरुको उपचार सेवा प्रदान हुदै आएको बताउनु भयो। कार्यालय प्रमुख डा.गिरीले अन्तरंग सेवा सहित शल्यचिकित्सा सेवा, फिजियोथेरापी,एक्सरे, इसिजी लगायतको सेवाहरु थपेर संचालन गर्नको लागि सरोकारवालाहरुको आवस्यक सहयोग पर्ने बताउनु भयो। लुम्बिनी आयुर्वेद चिकित्सालय, बुटवलका डा. दीपक आचार्यले कार्यक्रमको सहजिकरण गर्दै आयुर्वेद सेवा कार्यक्रम सम्बन्धी समन्वयात्मक समिक्षा गोष्ठीबारे उद्धेश्य र औचित्यता सहितको कार्यपत्र प्रस्तुत गर्नु भएको थियो।