विदा कटौती गरिए विरोधमा उत्रने तमु ह्युल छोँज धि गुरुङ राष्ट्रिय परिषद जिल्ला कार्य समितिको निर्णय
तमु ह्युल छोँज धि गुरुङ राष्ट्रिय परिषद जिल्ला कार्य समिति रुपन्देहीले सरकारले विदा कटौती गरेको विरोध सहितका कार्यक्रम गरि तमु ल्होसार मनाउने भएको छ । गुरुङ राष्ट्रिय परिषदले तमु ल्होसारमा दिइदै आएको सार्बजनिक बिदा सरकारले कटौटी गरेमा आपत्ति जनाउदै तमु ल्होसारका कार्यक्रमहरु पनि आन्दोलनका रुपमा मनाउने जनाएको हो ।
परिषदले आईतबार बुटवलमा पत्रकार सम्मेलन गरी तमु ल्होसारका अवसरमा गरीने कार्यक्रमका सम्वन्धमा जानकारी गराएको हो । परिषदले पत्रकारसम्मेलनमा कालो ब्यानर बनाएर सरकारको बिरोध गरेको छ । अन्य कार्यक्रम पनि आन्दोलनका रुपमा आयोजना गरीने जिल्ला अध्यक्ष बिमला तमुले जानकारी दिनुभयो ।
परिषदले पुष १० गते रुपन्देहीका बिभिन्न स्थानमा सरसफाई तथा चियापान, ११ गते बुटवल र भैरहवाका अस्पतालमा फलफुल बितरण, १२ गते जिल्ला प्रशासन कार्यालय रुपन्देहीमा धर्ना,१३ गते बुटवलमा रक्तदान, १४ गते बुटवलमा नै बृहत्त झाकि सहित बिरोध र्याली र १५ गते मुख्य दिन बुटवलमै बृहत्तर ल्होसार सार्बजनिक कार्यक्रम गर्ने तय गरेको छ ।
नेपाल बहुजातीय, बहुभाषिक, बहुसाँस्कृतिक र बहुधार्मिक मुलुक भएकाले यस किसिमको विविधतालाई सम्मान गर्दै सबै सामाजिक र धार्मिक समुहप्रति राज्यबाट समान व्यवहार हुनुपर्नेमा वर्तमान सरकारले यस बर्षदेखि सार्वजनिक विदाको सवालमा लिएको निर्णयले अन्यन्तै दुःखित र आक्रोसित बनाएको परिषदका सल्लाहकार भिम गुरुङले बताउनु भयो ।