लौ हेर्नुहोस् एउटै नम्बर प्लेटको दुईवटा मोटरसाइकल …..

झापाको बाह्रदशी गाउँपालिकाले सरकारी नीति नियमको धज्जी उडाउँदै कार्यालय प्रयोजनका लागि सेतो नम्बर प्लेटको दुईवटा मोटरसाइकल खुलेआम प्रयोगमा ल्याएको सञ्चारकर्मीको स्थलगत रिपोटिङ्गका क्रममा भेटाएपछि खुलासा भएको हो । कार्यालय परिसरमा रहेको दुईवटा मोटरसाइकलमा सेतो नम्बर प्लेटमा लेखिएको मे १ ब ७४९ नम्बर फेला परेको हो । पुस १०, झापा– यातायात व्यवस्था तथा ट्राफिक नियमको धज्जी उडाउँदै झापाका एक स्थानीय तहले एउटै नम्बर प्लेटको दुईवटा मोटरसाइकल चलाउँदै आएको खुलासा भएको छ । झापाको बाह्रदशी गाउँपालिकाले सरकारी नीति नियमको धज्जी उडाउँदै कार्यालय प्रयोजनका लागि सेतो नम्बर प्लेटको दुईवटा मोटरसाइकल खुलेआम प्रयोगमा ल्याएको सञ्चारकर्मीको स्थलगत रिपोटिङ्गका क्रममा भेटाएपछि खुलासा भएको हो । कार्यालय परिसरमा रहेको दुईवटा मोटरसाइकलमा सेतो नम्बर प्लेटमा लेखिएको मे १ ब ७४९ नम्बर फेला परेको हो । दुवै मोटरसाइकल बजाज कम्पनीको १५० सीसीको पल्सर रहेको छ । एउटा मोटरसाइकल लेखा अधिकृत सेवकबिक्रम राई र अर्को मोटरसाइकल इन्जिनियर नरेन्द्र श्रेष्ठले प्रयोग गर्दै आएका छन् ।
यता एउटै नम्बर प्लेटको दुईवटा मोटरसाइकलको विषयमा अनुसन्धान गर्दा एउटा मोटरसाइकलको नम्बर मे १ ब ७५६ रहेको फेला परेको हो । २०७५ साल असोज २९ गते मेची यातायात व्यवस्था कार्यालयमा दर्ता भएको एउटा मोटरसाइकलको सही नम्बर बुलुबुकबाट खुलेको छ । अर्को नम्बर कति हो भन्ने खुलेको छैन । त्यसको बुलुबुक गाउँपालिका कर्मचारीले देखाउन नमानेपछि एउटा मोटरसाइकल रहस्यमय बनेको छ गाउँपालिकाले एउटै नम्बरको मोटरसाइकल प्रयोगमा ल्याउनु चरम लापरवाहीको भएको स्थानीयको भनाइ छ । यता गाउँपालिकाका प्रमुख प्रशासकीय अधिकृत तुलसीप्रसाद नेपालले एउटै नम्बर प्लेटको मोटरसाइकल बारेमा हिजो मात्र थाहा पाएको बताएका छन् ।