यमलाल भुसाल,बुटवल बैशाख । बुटवल ब्याडमिण्टन क्लबको छैठौँ साधारण सभा तथा पाँचौँ अधिवेशनबाट निर्विरोध नयाँ नेतृत्व चयन भएको छ । शनिबार हुने अधिवेशन अगावै क्लबमा पंकज किशोर ज्ञवालीको अध्यक्षतामा नयाँ कार्यसमिति सर्वसम्मत रुपमा चयन भएको हो । अधिवेशन हुनु अगावै क्लबको छैठौँ साधारण सभा तथा पाँचौँ अधिवेशनबाट सर्वसम्मत रुपमा पंकज किशोर ज्ञवालीको अध्यक्षतामा पन्ध्र सदस्य नयाँ समिति गठन भएको प्रमुख निर्वाचन अधिकृत अर्जुन कार्कीले जानकारी गराउनु भयो ।
क्लबका पुर्व अध्यक्ष ईन्द्रलाल श्रेष्ठले पाँच जना खेलाडीबाट २०६७ सालमा विधिवत रुपमा दर्ता भएको क्लबमा ३४ जना आजिवन र ७२ जना साधारण सदस्य रहेको बताउनु भयो । बुटवल उपमहानगरपालिकाको संरक्षकमा सञ्चालित क्लबले राष्ट्रिय खेलाडी समेत उत्पादन गर्न महत्वपुर्ण योगदान पुराएको श्रेष्ठले बताउनु भयो ।यस्तै, क्लबका अध्यक्ष गोपाल टण्डनले कोभिड महामारी संगै ब्याडमिण्टन खेलमा उदासिनता छाएकोले त्यसलाई पुरानै लयमा फर्काउन आवश्यक काम गरेको दावि गर्नुभयो । उहाँले आफ्नो कार्यकालमा तिन वटा आन्तरिक र एउटा राष्ट्रिय खुला ब्याडमिण्टन प्रतियोगिता आयोजना गरेको र क्लबका उत्कृष्ठ बिस जना खेलाडीलाई प्रशिक्षण समेत प्रदान गरिएको टण्डनले जानकारी दिनु भयो । कबड हलको मर्मत संभार र स्तरबृद्धिमा आफ्नो कार्यकालमा सकारात्मक कामहरु भएको बताउनुभयो ।
ज्ञवालीको अध्यक्षतामा रहेको समितीको प्रथम उपाध्यक्षमा नलराज नेपाल , दितिय उपाध्यक्ष तुलसी राम भट्टराई(सम्भु), तृतिया उपाध्यक्ष भरत बहादुर राना , सचिवमा भानुभक्त खत्री , कोषाध्यक्षमा राजु खेरल , सहकोषाध्यक्षमा टिकाराम पन्थी र सहसचिवमा बलबहादुर गोदार चयन हुनु भएको छ । समितिको सदस्यहरुमा लालमणी पन्थी , विश्वास नेपाल , नारायण तिवारी , बाबुराम पाठक , अशोक प्रधान , गोकर्ण पाण्डे र धरम विर खत्री निर्वाचित हुनु भएको निर्वाचन समितिले जनाएको छ । क्लबको छैठौँ साधारण सभा तथा पाँचौँ अधिवेशन शनिवार हुने छ ।
थप समाचार
सूर्यनगर गोल्डकपको उपाधि युनाइटेड वीरगञ्जलाई
बीरगञ्ज युनाइटेड सेमिफाइनलमा प्रवेश
