अष्ट्रेलियामा हुने नेपाली फुटबलबारे एन्फा उपाध्यक्ष लामा र राजदुत पोख्रेलबीच छलफल

बुटवल । अखिल नेपाल फुटबल संघ एन्फाका उपाध्यक्ष दावा लामा र अष्ट्रेलियाका लागी नेपाली राजदूत कैलाशराज पोखेरलबीच अष्ट्रेलियामा हुने नेपाली फुटबल गतिविधीलाइ लिएर छलफल भएको छ । अष्ट्रेलियामा रहेर समग्र नेपाली फुटबललाइ माया गर्ने बिभिन्न क्लब तथा संघसंस्थाहरूलाई कसरी व्यवस्थित गर्न सकिन्छ भन्ने विषयमा छलफल केन्द्रित रहेकाे एन्फा उपाध्यक्ष लामाले बताए ।

हाल अष्ट्रेलिया भ्रमणमा रहेका लामाले नेपाली फुटबललाइ माया गर्दै अष्ट्रेलियाका विभिन्न शहरमा स्थापीत भएका बिभिन्न क्लबलाइ एन्फासङ्ग आबद्ध गराउदै प्रतियोगिता मात्र सञ्चालन नगरी व्यवस्थित गर्ने विषयमा राजदुत पोख्रेल पनि सकारात्मक रहको बताए । गैर आबासीय नेपाली संघ (एन आर एन ) काे पनी नेपाली फुटबलकाे बिकास र बिस्तारमा अतुलनीय योगदान रहेको भन्दै अष्ट्रेलियामा हुने प्रतियोगितालाइ पनि एन्फासंग जोडेर ग्रासरुटबाटै प्रतियोगिता संचालन गर्नुपर्नेमा दुवैकाे जोड रहेको थियो ।