टि-२० महिला विश्वकप छनोट : भुटानमाथि नेपालको  जित

काठमाडाैं, भदाै – मलेसियामा जारी टि-२० महिला विश्वकपको एसिया छनोटमा नेपालले भुटानमाथि संघर्षपूर्ण जित निकालेको छ। आइतबार बिहान भएको खेलमा नेपालले भुटानमाथि ३ विकेटको जित निकाल्यो।प्रतियोगितामा नेपालको लगातार तेस्रो जित हो। यो जितसँगै नेपाल सेमिफाइनल नजिक पुगेको छ। यअसघि नेपालले आयोजक मलेसिया र बहराइनलाई हराएको थियो।भुटाले दिएको ४० रनको लक्ष्य नेपालले १३.२ ओभरमा सात विकेट गुमाउँदै भेट्टायो । नेपालका लागि कप्तान रुबिना क्षेत्रीले २३ बलमा एक चौका मद्दतमा १२ रन भने कविता जोशीले २२ बलमा ९ रन बनाए। १६ रन बनाउँदै ५ विकेट गएपछि नेपाल दबाबमा परेको थियो। नेपालका तीन ब्याट्सम्यान शुन्य रनमा आउट भएका थिए।

झिनो लक्ष्यमा नेपालमाथि दबाब बनाउने क्रममा भुटानका लागि अन्जुली घलेले सर्वाधिक ३ विकेट लिइने भने छिरिङ जाङमोले २ विकेट लिइन्। यस्तै, सोनम र अन्जु गुरुङले समान २ विकेट लिए।टस हारेर पहिले ब्याटिङ गरेको भुटानले २० ओभरमा आठ विकेट गुमाएर ३९ रन बनाएको थियो। त्यसमा कप्तान डिचेन वाङ्गमोले २१ रन बनाइन् । डिचेनले ४४ बलको सामना गर्दै एक चौका पनि प्रहार गरिन्। अन्य ब्याट्सम्यानले दोहोरो अंकमा स्कोर बनाउन सकेनन्।भुटानलाई सस्तैमा समेट्ने क्रममा नेपालका पूजा महतोले तीन तथा कविता कुँवर, खुसी डंगोल र कप्तान रुबिना क्षेत्रीले समान १ विकेट लिए। नेपालले सोमबार कतारसँग र बुधबार यूएईसँग खेल्नेछ ।