हिमालय सामुदायिक बिकास केन्द्र च्याम्पियन

कञ्चन- रुपन्देहीको कञ्चन २ मा संचालित वडास्तरिय फुटवल प्रतियोगितामा हिमालय सामुदायिक बिकास केन्द्र, कञ्चन ४ दियो रुपन्देही च्याम्पियन भएको छ। हिमालयले कञ्चन ४ पुर्तिघाटको बगिया एफ.सी.लाई ट्राइब्रेकरमा पराजित गरी च्याम्पियन बबनेको हो।आज कञ्चन २ मा रहेको गौतमबुद्ध क्रिकेट रङ्गशालामा संचालित कञ्चन गाउपालिका वडास्तरिय फुटवल प्रतियोगितामा हिमालय सामुदायिक बिकास केन्द्रले गौतमबुद्ध सामुदायिक बिकास केन्द्र, कञ्चन ५ पिपरीचापालाई पराजित गरी फाइनलमा प्रबेश गर्न सफल भएको थियो भने बगिया एफ.सी.ले हिमालय प्राइड कञ्चन १ लाई पराजित गरी फाइनलमा प्रबेश गरेको थियो।दुबै टिमबाट २-२ गोलको बराबरीमा निर्धारित समय सकिएपछि खेललाई ट्राइब्रेकरको आधारमा टुङ्ग्याइएको थियो। बगिया एफसीका राजु सिंजालीले पहिलो हाफको ३ मिनेटमा सनसनीपुर्ण गोल गरेपछि खेल निकै रोचक बनाएको थियो भने हिमालयका लागि भने गोल फर्काउनु पर्ने दवाव बढेको थियो। यसैगरी खेलको ७ औं मिनेटमा बगिया एफ.सी.का टिम क्याप्टेन बसन्त थापाले निकै सनसनी पुर्ण दोश्रो गोल गरेपछि हिमालयका खेलाडीहरुलाई झन दवाव बढाएको थियो। पहिलो हाफको खेलमा बगिया एफ.सी.का खेलाडीहरु आक्रमक र हिमालय सामुदायिक बिकास केन्द्रका खेलाडीहरु रक्षात्मक प्रतिस्पर्धामा समाप्ती भएको थियो।

खेलको दोश्रो हाफमा भने हिमालय सामुदायिक बिकास केन्द्रका खेलाडीहरु बगियाका खेलाडीहरु माथी कडा आक्रमक बनेसंगै खेल निकै प्रतिस्पर्धात्मक बनाउदै हिमालयका शाहिल सुनारले दोश्रो हाफको ७ मिनेटमा बगिया बिरुद्ध १ गोलगरी २-१ गोल अन्तर बनाउन सफल भएका थिए। दोश्रो हाफको ३९ औं मिनेटमा हिमालयका मनोज क्षेत्रीले दोश्रो गोल गरेपछि खेललाई बराबरी बनाएका थिए।२-२ गोलको बराबरीमा टुङ्गिएपछि ट्राइब्रेकरमा हिमालय सामुदायिक बिकास केन्द्र च्याम्पियन बन्न सफल भएको हो । च्याम्पियन भएसंगै हिमालय सामुदायिक बिकास केन्द्रले नगद ३० हजार रुपैया सहित कप र मेडल प्राप्त गर्न सफल भएको छ। यस्तै उपविजेतामा चित्त बुझाउन बाध्य बगिया एफ.सी.ले नगद २० हजार रुपैया सहित कप र मेडल प्राप्त गरेको छ।यसैगरी प्रतियोगितामा उत्कृष्ट खेल प्रदर्शन गर्ने हिमालयमा शाहिल सुनार म्यान अफ द टुर्नामेन्ट बन्न सफल भएका छन भने उत्कृष्ट डिफेण्डर बगिया एफ.सी.का गोपल बुढा मगर भएका छन। यस्तै बगिया एफ.सी.का टिम क्याप्टेन बसन्त थापा सर्बाधिक गोलकर्ता र उत्कृष्ट गोल रक्षक बगिया एफ.सी.का गोल रक्षक दिपेश परियार बनेका छन। फाइनल प्रतिस्पर्धाका म्यान अफ द म्याच भने हिमालय सामुदायिक बिकास केन्द्रका बिश्वास थापा बनेका छन।

प्रतियोगितामा विजेता तथा उपविजेता टिमहरुलाई पुरस्कार तथा सम्मान गर्दै कञ्चन गाउपालिकाका उपाध्यक्ष मौसमी थापा मगरले खेलाडीहरु देशको गहना भएको र खेल मार्फत देशको शिरलाई उच्च बनाउने खेलाडीहरुको सम्मान राज्यले गर्नु पर्ने बताउनु भयो। स्वाथ्यका लागि खेलकुद राष्ट्रका लागि खेलकुद भन्ने नारालाई सजिव बनाउन खेलाडीहरुको भुमिका अत्यन्त महत्वपुर्ण हुने भएकोले गाउपालिकाले पालिका भित्रका खेलाडीहरुलाई बिभिन्न क्षेत्रबाट प्रोत्साहन गर्ने उद्धेश्यले फरक फरक क्षेत्रबाट आवस्यक सहयोग गर्दै आइरहेको समेत उपाध्यक्ष थापा मगरले जानकारी दिनु भयो। खेलकुदले कञ्चनका युवाहरुलाई लागु औषध तथा दुर्ब्यसनीबाट जोगाएर समाज रुपान्तरण र कञ्चनको समृद्धिसंग जोड्न निकै उत्साह थप्ने समेत उपाध्यक्ष थापा मगरले उल्लेख गर्नु भयो।नेकपा एमालेका धनकुवेर बुढाथोकीले समेत शुभकामना ब्यक्त गर्नु भएको कार्यक्रममा नव अभियान युवा क्लवका खेल संयोजक बिकास कार्कीले स्वागत गर्नु भएको थियो। क्लवका अध्यक्ष एक प्रसाद अर्यालको अध्यक्षतामा सम्पन्न कार्यक्रममा प्रतियोगितालाई सफल रुपमा सम्पन्न गर्न सहयोग गर्ने प्रायोजक तथा सहयोगदाताहरुलाई सम्मान गरिएको थियो। नव अभियान युवा क्लव, कञ्चन २ सुगैयाताल, मटेरिया, गौरीडांडा रुपन्देहीको आयाृजनामा सम्पन्न कार्यक्रममा क्षत्र बहादुर कार्कीले कार्यक्रम संचालन गर्नु भएको थियो। यही असोज २६ गते देखि संचालित प्रतियोगितामा कञ्चनका १६ फुटवल टिमहरुले सहभागित जनाएका थिए।