तिलोत्तमामा युवा संग युवा भेला सम्पन्न- समस्या समाधानमा युवाको जमघट : युवासंग युवा भेला

तिलोत्तमा। रुपन्देहीको तिलोत्तमा ड्राइभरटोलमा युवा संग युवा भेला सम्पन्न भएको छ। पछिल्लो समय युवाहरुमा सम्भावना को खोजी गर्दै देशको आर्थिक सामाजिक राजनीतिक सुधारका निम्ति युवाहरु एकठाउँ हुनुपर्ने निचोड निकाल्दै सो भेला सम्पन्न भएको छ। देशमा भएका आर्थिक सामाजिक नकारात्मक क्रियाकलाप तथा जनताले पाएको दुस्खलाई सहजीकरण गर्दै समृद्ध देशमा युवाहरुको योगदान अनिवार्य भएको भन्दै भेलामा सहभागी युवाले देश पछाडी पर्नुमा सबै नेपालीको दोष रहेको आंकलन गरेको छ। राजनीतिमात्रै देश पछि पर्नुको कारण नभई युवाहरु गलत बाटोमा हिड्ने र युवाहरुले खबरदारी नगर्ने परिपाटीले गर्दा यो समस्या भोग्नु परेको भेलामा बोल्ने बक्ताहरुले बताए।

तिलोत्तमका युवा अभियन्ता लक्ष्मण गौतमले सामाजिक संजालमा निमन्त्रणा गरेर आयोजना तिलोत्तमाको ड्राइभरटोलको ड्रिम भ्यु होटल मा आयोजना गरिएको सो भेलामा करिव १ सयको हाराहारीमा युवायुवतीहरुको उपस्थिति रहेको थियो। विभिन्न क्षेत्रका जानकारहरुको समेत उपस्थिति रहेको सो भेलामा बिद्यार्थी, उद्योगी, व्यापारी, वकिल, मेडिकल कर्मी, शिक्षक, उपभोक्ता, राजनीतिज्ञ, युवा अभियन्ताहरुले युवाहरुको सहभागिता र सम्भावनाका बारेमा आ आफ्नो बिचार व्यक्त गरेका थिए। सो भेला पश्चात पत्रकारहरुसंग कुरा गर्दै आयोजना गरेका गौतमले धेरै जिल्ला बाट यस्तो खालको कार्यक्रम गर्नका लागि आग्रह भैरहेको बताउदै युवाहरुलाई समाज सुधारको बाटोमा सक्रियता बढाउन अन्य जिल्लाहरुमा समेत यस्तो कार्यक्रमको आयोजना गरिने बताएका छन्।