क्विन्स बोरो प्रेसिडेन्टद्वारा गिरिजा प्रसाद कोईराला फाउण्डेशन अमेरिका सम्मनित

न्युयोर्क । गत नोभेम्बर ६, २०२४ सॅाझ ६ः०० बजे देखि १०ः०० बजे सम्म क्विन्स बोरो प्रेसिडेन्ट डोनोभन रिचार्ड्सले आफ्नो कार्यालयको हलमा दिपावली कार्यक्रमको आयोजना गर्नु भएको थियो । उक्त कार्यक्रममा दक्षिण एसियाली एंव इन्डो क्यारिबियन समुदायका मानिसहरू सहभागी थिए। कार्यक्रममा विभिन्न देशका सांस्कृतिक नृत्य एंव गायन प्रस्तुती गरिएको थियो भने गिरीजा प्रसाद कोईराला फाउण्डेशन अमेरिकाले गरेको समाजिक कार्यहरुको प्रोत्साहन स्वरुप बोरो प्रेसिडेन्ट डोनोभन रिचार्ड्सले कदर पत्रद्वारा सम्मान गरेका थिए ।
उक्त कदर पत्र क्विन्स बोरो प्रेसिडेन्ट डोनोभन रिचार्ड्सले गिरीजा प्रसाद कोईराला फाउण्डेशन अमेरिकाका अध्यक्ष सोमनाथ घिमिरेलाई हस्तान्तरण गरेका थिए । भने अध्यक्ष घिमिरेले क्विन्स बोरो प्रेसिडेन्ट डोनोभन रिचार्ड्सलाई नेपाली टोपी र खादाले अभिवादन गरेका थिए ।

यस दिपावली कार्यक्रममा गिरीजा प्रसाद कोईराला फाउण्डेशन अमेरिकाका कार्य समिति सदस्य ध्रुव कुवॅंर क्षेत्री, कृयाशील सदस्यहरु क्रमश: पुर्व एस.पी. दान बाहादुर मल्ल, गिता अधिकारी, योगेन्द्र अधिकारी, ध्रुव श्रेष्ठ, लाक्पा टि. शेर्पा, हिरा तामागं, सिद्धी परेख, बंगाली क्लब युएसका अध्यक्ष दिनेश मजुमदार, सदस्य नोमेन रोबिन, इन्डो केरिबियन समुदायकी नेत्री के. सीई, डिजिटल ब्रिजेस फर नेपालका निक स्टेबेन, मानव अधिकारबादी गुगु मखारी लगायतको उपस्थिती रहेको थियो।