कार्तिक २३ गते
नवलपरासी । पश्चिम नवलपरासीको बर्दघाट ०४ मा रहेको सिद्धबाबा बहुउद्देश्यीय सहकारी सस्थाको २२ औं बार्षिक साधारण सभा सम्पन्न भएको छ । सहकारीका अध्यक्ष जित बहादुर श्रेष्ठको अध्यक्षता र बर्दघाट नगरपालिका वडा नम्बर ४ का वडा अध्यक्ष बेदबिना तिवारीको प्रमुख अतिथ्यतामा साधारण सभा सम्पन्न भएको हो ।
कार्यक्रमलाई सम्बोधन गर्दै वडा अध्यक्ष बेदबिना तिवारीले सहकारीले बच्चा देखी जेष्ठ नागरिक सम्मलाई सम्मान गर्दै सामाजिक उत्तरदायित्व बहन गरेको बताउनु भयो । कृषि र पर्य- पर्यटनको क्षेत्रमा सहकारीले लगानी गर्दा राम्रो हुने उल्लेख गर्दै उहाले सहकारीको लगानीमा बर्दघाटमा पर्यटन भित्र्याउन सकीने बताउनु भयो ।
साधारण साभमा सस्थाका अध्यक्ष जित बहादुर श्रेष्ठले सस्थाको प्रगति प्रतिबेदन, सचीव टेक बहादुर आ.सीले सचिबको प्रतिबेदन, कोषाध्यक्ष प्रीतम सिंह कुर्मीले आर्थिक प्रतिवेदन, ऋण उपसमितिको प्रतिबेदन संयोजक लाल बहादुर अधिकारीले र लेखा सुपरिवेक्षण समितिको प्रतिवेदन संयोजक सुखराम चौहानले प्रस्तुत गर्दै सस्थाको हाल सम्मको अवस्था र आगामी बर्षका लागी लिने नितिहरु प्रस्तुत गर्नु गर्नुभएको थियो । साधारण सभामा ल्याइएका सम्पूर्ण प्रस्ताव र प्रतिबेदन अनुमोदन गरेको छ । साथमा उत्कृष्ट कारोबार गर्न शेयर सदस्य, उत्कृष्ट ऋणी, उत्कृष्ट बचतकर्तालाइ सम्मान गरिएको छ ।
संस्थामा १ हजार ८२ जना शेयर सदस्य रहेका छन् भने कुल १९ करोड ८८ लाखको बासलात, ३ करोड २५ लाखको शेयर पूँजी, १५ करोड ४० लाखको बचत र १८ करोडको २८ लाख कर्जा लगानी रहेको छ। साधारण सभामा संस्था करिब २९ लाख ५२ हजार रुपैयाँ नाफामा रहेको सस्थाले जानकारी दिएको छ ।
साधारण सभाको अध्यक्षता सस्थाका अध्यक्ष जित बहादुर श्रेष्ठले गर्नु भएको थियो भने, उपाध्यक्ष डालाराज पान्डेले स्वागत मन्तव्य दिनुभएको थियो। कार्यक्रमको सञ्चालन सचीव टेक बहादुर आ.सी.ले गर्नुभएको थियो।
थप समाचार
लुम्बिनी प्रदेशमा आयोजना बैंक बनाईदै
सुनको मूल्य २६ सय घट्यो
