पासा पुच: र जनजाति महासंघ बेल्जियमले गर्‍यो राजदूत राजभण्डारीलाई बिदाइ

बेल्जियम । पासा पुच: बेल्जियमले युरेपियन युनियन तथा बेल्जियमका लागि नेपाली राजदूत गेहेन्द्र राजभण्डारीलाई बिदाइ गरेको छ । पुच:ले एक कार्यक्रमका बिच राजदूत राजभण्डारीलाई विदाई गरेको हो । सो अवसरमा बोल्दै राजदूत राजभण्डारीले आफ्नो कार्यकालमा प्राप्त अनुभव र नेपाल-बेनेलक्स सम्बन्धलाई अझ सुदृढ बनाउन नेपाली समुदायसँग गरेको सहकार्यको स्मरण गर्नुभयो। कार्यक्रममा पुच: का संस्थापक अध्यक्ष रविन्द्रमान श्रेष्ठ, पूर्वअध्यक्ष रजनी प्रधान, भीम जोशी, निवर्तमान अध्यक्ष चिजकुमार श्रेष्ठ, सल्लाहकार सुभाष जोशी लगायतले बोल्दै राजदूत भण्डारीको कार्यकाल र योगदानको प्रशंसा गर्नुभएको थियो। सो अवसरमा राजदूत राजभण्डारीलाई विशेष सम्मान समेत गरिएको थियोे । कार्यक्रममा बेल्जियमका विभिन्न क्षेत्रमा रहेका नेवार समुदायको बाक्लो उपस्थिति रहेको थियो। कार्यक्रम पुच: का अध्यक्ष सुर्यनारायण श्रेष्ठको अध्यक्षता, वरिष्ठ उपाध्यक्ष मुना ताम्राकारको स्वागत तथा महासचिव शंकर श्रेष्ठको सञ्चालनमा सम्पन्न भएको थियोे । यसैबीच नेपाल आदिबासी जनजाति महासंघ बेल्जियम (नेफिन) ले पनि बेनेलक्स र युरोपियन युनियनका लागि नेपाली राजदुत गेहेन्द्र राजभण्डारीको बिदाई गरेको छ ।

महासंघले बिहीबार लुभेनमा एक कार्यक्रमको आयोजना गरि राजदूत राजभण्डारीलाई बिदाई गरेको हो । कार्यक्रममा महासंघका अध्यक्ष बिरमान मगर, प्रथम उपाध्यक्ष मुना राई, नेकपा माओबादी बेल्जियम इन्चार्ज तथा तामाङ समाज बेल्जियमका सल्लाहकार जित लामा, संघिय समाज बेल्जियमका अध्यक्ष नेत्र मगर, बिश्व मगर संघ बेल्जियमका अध्यक्ष लोक राना, किराँत याकथुम चुम्लुंग बेल्जियमका अध्यक्ष बदन योंगहांग, तमु समाजका प्रतिनिधी मनिष तमु, किरात राई सोसाईटी बेल्जियमका अध्यक्ष इन्दिरा चाम्लिंग, मगर संघ बेल्जियमका संस्थापक अध्यक्ष मार्के मगर, नेपाल पत्रकार महासंघ युरोपका अध्यक्ष केजिन राई, पत्रकार दिल निशानी मगर, जनसम्पर्क समिति बेल्जियमका सभापति सुभाष गुरुङ लगायतले राजदूत राजभण्डारीलाई शुभकामना दिदै कार्यकाल सफल रहेको चर्चा गर्नुभएको थियोे। कार्यक्रम महासंघका अध्यक्ष बिरमान मगरको अध्यक्षता, उपाध्यक्ष मुना राईको स्वागत तथा सचिब रबिन बान्तवाको सन्चालनमा सम्पन्न भएको थियो । राजदुत राजभण्डारी चार बर्षे कार्यकाल सकेर आईतबार नेपाल फर्कदै हुनुहुन्छ ।