रामपुर जेसिज द्वारा महायज्ञमा प्रसाद वितरण

पाल्पा-पाल्पाको रामपुर नगरपालिकामा रहेको सहिद बहुमुखी क्याम्पसमा संचालित महायज्ञमा आज रामपुर पाल्पामा रहेको रामपुर जेसिज द्वारा भक्तजनहरुमा प्रसाद वितरण गरिएको छ । शहीद क्याम्पसको चाहना संकाय थप सिपमूलक शिक्षा र छात्राबासको स्थापना भन्ने नाराका साथ सञ्चालन भएको महायज्ञमा पाल्नुहुने भक्तजनहरुमा सहयोग स्वरुप प्रसाद वितरण गरिएको रामपुर जेसिजका अध्यक्ष शकर बहादुर खाणले बताउनु भयो । महायज्ञमा वाचन प्रविण पण्डित दिनबन्धु पोखरेलको मुखारविन्दबाट संगितमय शैलीमा कथा वाचन भई रहेको छ ।महायज्ञमा नैतिक शिक्षा प्रवचन ,तुला दान,लाखबत्ति प्रज्वलन लगाएतका विभिन्न कार्यक्रम सहित यही पौष २३गते सम्म सञ्चालन हुने छ ।