काठमाडौँ । पत्रकार दिवश भण्डारीले आफ्नो समाजिक संजाल फेसबुकमा लामो स्टाटस लेखेर राप्रपाका संसदीय प्रमुख सचेतक सांसद ज्ञान बहादुर शाहीलाई संसारको जुन सुकै बिषयमा खुल्ला बहस गर्न तयार भएको चुनौती दिएका छन् ।
जहाँ लेखिएको छ,
” माननीय ज्ञान बहादुर शाही संग नेपालको कुरै छोड्नुस विश्वका सात महादिपमा कुन दिपको कति सय बर्ष पुरानो इतिहासको बारेमा बहस गर्ने हो म गर्न तयार छु । न हामी यो शेर चण्ड ओलि र रविको राजनैनिक लोकतन्त्र र यो केरा गणतन्त्रको पक्षमा छौं न राजावादीको महाराजको नै हामी रैती हौँ । सबैलाई जानकारी होस् ।
बराबर नेपाली अक्षर लेख्न नजान्ने ज्ञान बहादुरको वास्तविकता हामीले नबुझेका हौँ र ? नबताएका पो हौँ त्। सौर्यमण्डल देखि पृथ्वीको उत्पति देखि एक कोषीय जिव बाट बहुकोषीय हुँदै मानवजीवनको उत्पति कसरी भो भन्ने सम्म बहस गर्न तयार छौं।
पाइथागोरसको गणितिय साध्य देखि इण्टिग्रेसनका फर्मुला हुँदै त्रिगोणोमेट्रिक जेमेट्रि देखि रसायनका फर्मुला सम्म। आइन्सटाइको रिलेटिभिटि थेउरि देखि फ़्ल्युड देखि हाइड्रोलिक्स मेकानिक्स हुँदै थर्मल हिट देखि टेम्प्रेचर सम्म। कौटिल्यको अर्थशास्त्र देखि रविन्स हुँदै रिकार्डो सम्म। फ्रान्सेली राज्यक्रान्ति देखि युरोपको औधोगिक क्रान्ति हुँदै रुसको अक्टोवर क्रान्ति देखि जापानको पलहार्वर युद्द हुँदै अमेरिकी स्वतन्त्रता संग्राम देखि भारतको स्वतन्त्रता आन्दोलन । माओ,लेनिन स्टालिन हुँदै गान्धी,गोड्से,हिटलर देखि अमेरकाको अब्राहम देखि अफ्रिकाको नेल्सन सम्म बहस गर्न तयार छौं ।
गोपाल किरात महिषपाल,लिच्छिवी देखि मल्ल हुँदै शाह सम्म,यौन पिपासु रणबहादुर देखि संकी राजेन्द्र हुँदै ब्यापारी ज्ञानेन्द्र सम्म बहस गर्न तयार छौं । संविधान धारा खुब याद गर्ने ज्ञान बहादुरले दुनियाँको सबै भन्दा लामो लोकतान्त्रिक संबिधान लेख्ने भिम राम अम्बेडकरको नाम सुनेको छ कि छैन ? बहस गर्न तयार छौं ।
कहाँ बसेर बहस गर्ने हो माननीय ज्ञान बहादुर म त्यहि त्यहिँ आउछु । तपाईले महाराजको जुठो खानुभयो र त्यहि वाक्नु भएको छ, भन्दैमा हामीलाई माओवादी भनिदिने ? संविधानको धारा पढाउने ? तपाई जुम्ली जनतालाई झुक्याएर कोटमा फूली टास्दैमा व्यक्तिको व्याक्तित्व बिकास भयो भन्ने भ्रममा हुनुहुन्छ।
तपाई जस्तो अराजक नबनौं भनेर पो त नत्र हाम्रा अगाडि शब्द निकाल्ने स्तर तपाईको छैन । परिस्थिति र बाध्यताले हामि संसद बाहिर छौं तपाई भित्र हुनुहुन्छ भिन्न त्यति मात्रै हो । हामीले निशुल्क देशको जनताको लागि जीवन समर्पित गरेका छौं, तपाइले जनताको रगत र पसिनाबाट आएको करबाट राज्य मन्त्री सरहको सुविधा उपभोग गरेर महाराजको गुलामी गर्नुभएको छ
अबका दिनमा आफ्नो बौद्दिक स्तरमा बसेर र माननीयको फूलिको मर्यादा राखेर बोल्नुस नत्र पत्रकारलाई संबिधानको धारा सोधेर प्रश्नबाट भाग्छु भन्ने अल्पज्ञानले गर्दा धारा गोलमाल भएको पनि अहिले सम्झना नै होला । कि त्यो पनि थाहा छैन ? तपाई दौरा सुरुवाल र कोटमै नाङ्गिनु होला विचार गर्नुस । बहस नै गर्ने हो भने गरौँ, जुम्लामा गर्ने हो कि ? काठमाडौमा ? कि निर्मल निवास भित्र गर्ने हो भने पनि म आउछु ।
माननीय ज्ञान बहादुरजी तपाईका महाराजलाई निर्णायक मण्डल राखेर आउनुहोस् डिबेट गरौँ । नेपालीमा गर्ने कि अंग्रेजीमा ? नेपालको गर्ने कि अमेरिकाको ? गणितको गर्ने कि अर्थशास्त्रको ? बिज्ञानको गर्नेकि समाज र राजनीतिको ? युद्धको गर्नेकि शान्तिको ? सरकारी गाडि चढेर नभाग्नुस आउनुस् बहस गरौँ । तपाईलाई भाइरल बन्ने महाराज रिझाउने रहर होला हामीलाई समाज बदल्ने रहर छ । समाजको चेतनास्तर बदल्ने रहर छ । त्यसैले एउटा कुशल संचारकर्मी संग बोल्दा हजार पटक सोचेर बोल्नुस।
हामी संग डिबेट गर्न त्यति सजिलो छैन । खुल्ला चुनौती भयो बाकि जिन्दगि घुडा धसेर पढेर पनि हामि संग बहस गर्न सक्नु हुन्न ।अबका दिनमा बिचार पुर्याएर बोल्नुस् किनकि हामी तपाईका पकेटका युट्युवर होइनौं।”
१८ गते प्रतिनिधि सभाको बैठक लगत्तै बाहिरिएका राप्रपा सचेतक ज्ञान बहादुर शाहीलाई तिन कुने घट्ना बारे प्रश्न गर्दा आक्रोशित भएका ज्ञान बहादुर शाहीले सोहि समय संसदीय मामिला पत्रकार दिवश भण्डारीलाई माओवादी भएको आरोप लगाएका थिए । सोहि आरोप प्रत्यारोपको बिषयलाई लिएर यो स्टाटस लेखिएको हो।
थप समाचार
फोनिज कपिलवस्तुको अध्यक्षमा चौधरी
शुक्रवारबाट बुटवलमा २ दिने मिडिया सम्मेलन हुँदै
