चैत २२ गते
नवलरासी । पश्चिम नवलपरासीको बर्दघाटमा युवा लक्षित कानुनी सचेतना कार्यक्रम सम्पन्न गरिएको छ। गौतम बुद्ध मिडिया हाउसको समन्वयमा तथा बर्दघाट नगरपालिकाको आयोजनामा “युवा लक्षित कानुनी सचेतना कार्यक्रम” सम्पन्न भएको छ।
कार्यक्रमका अध्यक्ष एवं बर्दघाट नगरपालिकाका नगरप्रमुख शम्भुलाल श्रेष्ठले कानुनसम्बन्धी जानकारी युवाहरूका लागि अत्यन्तै आवश्यक रहेको उल्लेख गर्नु भयो। उहाले भन्नुभयो, “आजका बिधार्थी भोलिका कणाधार भएको हुन । देश कानुनले चल्छ, भोलिका देश चलाउने युवाले कानुनी रुपमा सचेत हुनु अपरिहार्य छ । त्यसैले प्रत्येक युवा कानुनी सचेत हुनुपर्छ।” उहाँले कुनै पनि पेशा, व्यवसाय वा जीविकोपार्जन गर्न कानुनी प्रक्रिया जान्न जरुरी रहेकोमा जोड दिनुभयो।
कार्यक्रममा नगर उपप्रमुख रुद्रप्रकाश उपाध्यायले समाजमा कानुनी ज्ञान आवश्यक रहेको उल्लेख गर्दै युवाहरूलाई कानुनी शिक्षा आत्मसात् गर्न आग्रह गर्नुभयो। उहाँले समाजमा जान्ने र सुन्ने बन्न र सा।आज रुपान्तरण गर्न समेत कानुनी विषयको ज्ञान हुनु पर्ने आवश्कता औल्याउनु भयो। नगरपालिकाले आगामी दिनहरूमा कानुनी सचेतना मुलक कार्यक्रम निरन्तर सञ्चालन गर्ने प्रतिवद्धता जनाउनुभयो।
कार्यक्रममा बर्दघाट २ का वडाध्यक्ष गणेशबहादुर क्षेत्रीले कानुन नजानेर गरिएका काम अधुरा हुने हुँदा कानुनी ज्ञान अत्यावश्यक रहेको बताउनुभयो।” सबै विषय वस्तु जाने पनि कानुन नजानेर गरिएको काम अपुरो र अधुरो हुन्छ।” क्षत्रीले भन्नु भयो।
दिव्यज्योति बहुमुखि क्याम्पसका क्याम्पस प्रमुख सागरमणि पाण्डेले कानुनी सचेतना युवाहरूको जीवनमा अनिवार्य रहेको भन्दै सुझबुझका साथ काम गर्नु पर्नेमा जोड दिनु भयो। व्यापार रोकने व्यवसाय गतिविधि करता कानून आवश्यक पर्ने उल्लेख गर्दै उहाँले कानुन अनुसार हरेक व्यक्ति र संस्था निर्देशित हुनुपर्ने हुँदा कानुन सचेतना महत्वपूर्ण विषय भएको उल्लेख गर्नुभयो।
कार्यक्रममा वरिष्ठ अधिवक्ता थिरलाल पराजुलीले देवानी तथा फौजदारी मुद्दा, मौलिक हक–अधिकार र नेपालको संविधानका विभिन्न पक्षहरूका विषयमा सहजीकरण गर्नुभएको थियो । त्यस्तै प्रमुख प्रशासकीय अधिकृत प्रकाश खनालले प्रशासनिक कानुन, वातावरणीय कानुन र स्थानीय सरकार सञ्चालन ऐनबारे सहजीकरण गर्नुभयो भने स्काई ट्याक्सेसन एण्ड बिजनेस सोलुसनका सञ्चालक विनोद खनालले व्यवसाय दर्ता, अध्यावधि र कर ऐनबारे जानकारी दिनुभयो।
कार्यक्रममा गौतम बुद्ध मिडिया हाउसका प्रबन्ध निर्देशक प्रकाश न्यौपानेले कानुनी अनभिज्ञता क्षम्य नहुने भन्दै युवाहरू कानुनी रुपमा सचेत हुनु आजको आवश्यकता भएको बताउनु भएको कार्यक्रमको सञ्चालन सूष्मा रेग्मीले गर्नुभएको थियो। कानुनी सचेतना कार्यक्रममा बर्दघाट प्रज्ञा प्रतिष्ठानका सदस्य सचिव शरद पौडेल, दिव्य ज्योति बहुमुखी क्याम्पसका स्ववियु सभापति शशी सुनार, लगायत बर्दघाट नगरपालिका १ देखि १६ वटा वार्डहरूमा रहेका १ सय २० जना युवाहरूकाे सहभागिता रहेको थियो।
थप समाचार
जन्मदिनकाे अवसरमा रक्तदान कार्यक्रम
बुटवलका सबै वडामा स्वास्थ्य केन्द्र स्थापना
