।बिहेअघि अब आयुष्मानले फिल्म नगर्ने

हिट फिल्म चपली हाइटु को दोस्रो सिरिजबाट नेपाली फिल्ममा उदाएका चकलेटी ब्वाई आयुष्मान देशराज जोशी गएको डेढ वर्षदेखि अभिनेत्रीमा अहिलेकी ुहटकेकु प्रियंका कार्कीसँग डेट गरिरहेका छन् । दुईबीच दुईपटक इन्गेजमेन्ट समेत भइसकेको छ । अब उनीहरु बिहेको तयारीमा छन् । कथा काठमाण्डूु को सेटबाट झाँगिएको माया प्रेमले अहिले उनीहरुको ुप्रोफेसनल लाइफु लाई समेत चम्काएको छ । दुईलाई लिएर फिल्म बनाउन चाहने निर्मातारनिर्देशकहरु बढ्दै गएका छन् । यी दुईले ुकथा काठमाडौुं पछि फिल्म ुचंगा चेटु मा सँगै काम गरेका थिए । पर्दामा पनि यो जोडीलाई दर्शकले निकै रुचाए ।

हालै छायांकन सकिएको योगेश घिमिरे निर्देशित फिल्म प्रेम दिवसु मा पनिआयांकु जोडीलाई प्रेम(प्रेमिकाको रुपमा देख्न पाइनेछ । दुईलाई अचेल म्यूजिक भिडियोमा समेत भ्याइनभ्याइ छ । उनीहरु फागुन अन्तिमबाट भने बिहेको तयारीमा लाग्ने सोचमा छन् । यसका लागि उनीहरुले अब कुनै फिल्म साइन नगर्ने निर्णय लिएका छन् ।
आफ्नो पाइपलाइनमा रहेका फिल्म फागुन वा चैतभित्र सक्ने प्रियंकाको योजना छ । उता आयुष्मान अर्को हप्ताबाट फिल्म ‘सानो मन’ को छायांकनमा व्यस्त हुँदैछन् । यो फिल्मपछि अब बिहेको तयारीमा लाग्ने उनले बताए । फिल्मको घोषणा सभामा उनले भने, ‘योपछि कुनै फिल्म साइन गरेको छैन । अब बिहेको तयारीमा लाग्नुछ ।’

‘सानो मन’ पनि उनले निकै अगाडि साइन गरेको फिल्म हो । ‘यो फिल्म मैले धेरै अगाडि साइन गरेको थिएँ । यसपछि चाहिँ फिल्म छैन र बिहेभन्दा अगाडि सम्भवतः अब कुनै फिल्म गर्दिनँ । यो फिल्मपछि बिहेको तयारीमा लाग्छु’, उनले भने । अर्को वर्षको असारमा प्रियंकासँग उनी लगनगाँठो कस्दैछन्