प्रधानमन्त्री ओली स्विजरल्याण्डमा

स्विजरल्याण्ड \  प्रधानमन्त्री केपी शर्मा ओली विश्व आर्थिक मञ्चको ४९औँ वार्षिक बैठकमा भाग लिन नेपाली प्रतिनिधिमण्डलको नेतृत्व गर्दै सोमवार अपराह्न स्विटजरल्याण्ड आइपुगेका छन्। प्रधानमन्त्री ओलीले बिहान मञ्चको दक्षिण एशियाको रणनीतिक दृष्टिकोण विषयक पूर्णसत्रलाई सम्बोधन गर्ने कार्यक्रम छ। प्रधानमन्त्री नेतृत्वको प्रतिनिधिमण्डललाई जुरिच अन्तर्राष्ट्रिय विमानस्थलमा स्विटजरल्याण्डका लागि नेपाली राजदूत दीपक धितालले स्वागत गरेका थिए। प्रधानमन्त्री नेतृत्वको प्रतिनिधिमण्डलमा उनकी धर्मपत्नी श्रीमती राधिका शाक्य, परराष्ट्रमन्त्री प्रदीपकुमार ज्ञवाली अर्थमन्त्री डा युवराज खतिवडा प्रधानमन्त्रीका प्रमुख सल्लाहकार विष्णुप्रसाद रिमाल परराष्ट्र मामिला सल्लाहकार डा राजन भट्टराई राष्ट्रिय योजना आयोगका उपाध्यक्ष डा पुष्पराज कँडेल परराष्ट्र सचिव शङ्करदास वैरागीलगायत उच्च सरकारी अधिकारी सहभागी छन्। प्रधानमन्त्री ओली नेतृत्वको प्रतिनिधिमण्डल आगामी शनिबार स्वदेश फर्कने कार्यक्रम छ। रासस