महासमितिपछि कांग्रेसको पहिलो बैठक : केके छ एजेण्डा ?

९ माघ २०७५, बुधबार ०   बिचार / प्रतिक्रिया


काठमाडौं – प्रमुख विपक्षी नेपाली कांग्रेसको केन्द्रीय कार्यसमिति बैठक भोलि बस्दैछ । महासमिति बैठकपछि पहिलो पटक बस्न लागेको बैठकमा पार्टीको आन्तरिक विषयसँगै राष्ट्रिय राजनीतिबारे पनि छलफल हुनेछ । कांग्रेसले पार्टीका दिवंगत नेताद्धय गिरिजाप्रसाद कोइराला र सुशील कोइरालाको नाममा स्थापना भएको अस्पताललाई खारेज गर्न खोजेको भन्दै संसद अवरुद्ध गर्दै आएको छ । सरकारले भने कांग्रेसका अवरोधका बीच चिकित्सा शिक्षा विधेयक पास गर्न चाहेको छ ।

एक पदाधिकारीका अनुसार केन्द्रीय कार्यसमिति बैठकले सरकारविरुद्ध आन्दोलन गर्ने घोषणा गर्ने सम्भावना बढी छ । उनले भनेका छन्, ‘सरकारलाई चिनिने मात्र होइन, देखिने प्रतिपक्षी चाहिएको जस्तो छ । अब हामी सरकारमाथि त्यही अनसार दबाव बढाउँछौं ।’ केन्द्रीय कार्यसमितिको बैठकले महासमितिबाट परिर्माजनसहित पास भएका विधानलाई अन्तिम रुप दिनेछ । केन्द्रीय सदस्य वडा तहबाटै निर्वाचित भएर आउनुपर्ने र आरक्षण एक तहमा एक पटक मात्र पाउने जिल्ला सभापतिहरुको मागबारे के निर्णय हुन्छ भन्ने धेरैैको चासो छ ।

महासमिति बैठकमा जिल्ला सभापतिहरुले विधान नै रोक्ने चेतावनी दिएपछि सभापति शेरबहादुर देउवाले माग सम्बोधन गर्ने आश्वासन दिएका थिए । तर, केन्द्रीय समितिमा रहेका बहुसंख्यक नेताहरु जिल्ला सभापतिहरुको दुबै माग सम्बोधन गर्ने पक्षमा छैनन् । बैठकमा नेपाल विद्यार्थी संघको वर्तमान कार्यसमितिको म्याद थप गर्ने नगर्नेबारे पनि छलफल हुनेछ ।

नैनसिंह महर नेतृत्वको कार्यसमितिले महाधिवेशन गर्न दिएको २ महिनाको म्याद गुज्रिएको छ । वर्तमान कार्यसमिति भंग गरेको अर्को बनाउने कि फेरि म्याद थप्ने अन्यौल कायमै छ । नेताहरुका अनुसार सभापति देउवाले यसबारे प्रष्ट धारणा राखेका छैनन् । वरिष्ठ नेता रामचन्द्र पौडेल अब म्याद नथप्ने पक्षमा छन् भने कृष्ण सिटौला कार्यसमिति भंग नगर्ने पक्षमा छन् । साथै फागुनमा स्ववियु चुनाव घोषणा भएकाले के गर्ने भन्ने अन्यौल देखिएको एक पदाधिकारीले बताए ।

फेसबुकबाट तपाईको प्रतिक्रिया



ताजा समाचार

  • दाङ्ग जिल्लामा पहिलो पटक जुरे हुटिट्याँउ पानी चरा अभिलेख
  • भारत्तोलक विश्व च्याम्पियन रुप कार्कीको निधन
  • प्रचण्डको गर्जन : ओलीको सेटिङ भत्काएर जनताको सेटिङ खडा हुन्छ
  • स्व. गणेशमान सैंजु बुटवल जेसिज उत्कृष्ट पत्रकारीता पुस्कार पत्रकार केसीलाई
  • पठाओ नेपाल द्वारा ग्राहकहरु र राईडरहरुलाई बीमा प्रदान गर्न साझेदारी…
  • बिप्लव समूहद्धारा भोली नेपाल बन्दको आब्हान
  • ओलीले साइबर स्यालमार्फत जतासुकै हमला गरेका छन् : भुषाल
  • देशमा फेरि तेश्रो जनआन्दोलनको आवश्यकता छ : भट्टराई
  • कोरोनाविरुद्धको खोप माघ १४ देखि लगाउन सुरु गर्ने सरकारको तयारी
  • ज्योतिपुञ्ज आवासीय माध्यमिक विद्यालयको २० औं वार्षिकोत्सवका अवसरमा रक्तदान सम्पन्न