पूर्व युवराज पारसको स्वास्थ्य खतरामुक्त, थोरै खाना खाए

१५ माघ २०७५, मंगलवार ०   बिचार / प्रतिक्रिया


काठमाडौं– कडा हृदयाघात भएका पूर्व युवराज पारस शाहको स्वास्थ्यमा केही सुधार आएको छ। नर्भिक अस्पतालको सिसियूमा उपचाररत उनको स्वास्थ्य खतरामुक्त रहेको अस्पतालले जनाएको छ। स्वास्थ्यमा सुधार आएका पारसले बिहान थोरै खाना खाएको बताइएको छ।

छातीमा असह्य पीडा भएपछि उनलाई नर्भिक लगिएको थियो। उनलाई अस्पतालको आकस्मिक कक्षमा सोमबार दिउसो ४ बजेर १५ मिनेटमा भर्ना गरिएको थियो। जाँचका क्रममा उनलाई कडा हृदयाघात भएको पाइएको थियो। लगत्तै अस्पतालका मुटु रोग विशेषज्ञ डा यादव देव भट्टको टिमले उनको शल्यक्रिया गरेको थियो।  ‘क्याथल्यावमा सारेर कोरोनरी एन्जियोग्राम गर्दा उहाँको मुटुको धमनी पूर्णरुपमा बन्द रहेको पाइएको थियो,’ डा भट्टले भने, ‘उपरोक्त बन्द ९अवरोध० खुलाउन कोरोनरी एन्जियोप्लाष्टी तथा स्टेन्ट प्रत्यारोपण कार्य सफलतापूर्वक सम्पन्न भई उहाँलाई सीसीयुमा सारिएको हो।’

परसको उपचारमा डा भट्टसहित डा जेपी जैसवाल, डा नग्मा श्रेष्ठ, डा सन्तोष श्रेष्ठ र एनेस्थेसियोलोजिष्ट डा प्रज्वल श्रेष्ठको टोली संलग्न रहेको थियो।  उनलाई आइतबारदेखि नै छाती दुख्ने समस्या देखिएको थियो।  पारसलाई हृदयाघात भएको यो तेस्रो पटक हो। यसअघि पनि उनको मुटुको नलीमा स्टेन्ट राखिएको थियो।

फेसबुकबाट तपाईको प्रतिक्रिया



ताजा समाचार

  • ललितपुर महानगरपालिकाका मेयर चिरिबाबु महर्जनलाई कोरोना संक्रमण
  • डा. केसीका मागप्रति नेविसंघको ऐक्यवद्धता, जीवन रक्षाको माग
  • रुपन्देहीको सियारीमा लालपूर्जा वितरण
  • प्रदेश पाँचका रेडिमिक्समा १५० करोड लगानी
  • राप्तीमा स्वास्थ्यको वार्षिक समिक्षा पुर्ण उपलब्धिमा कोभिड १९ बाधक
  • वामी नमूना समाजको तेश्रो अधिवेशन जापानमा सम्पन्न
  • कोभिडबाट संक्रमण मुक्त भएकाले के–के कुरामा ध्यान दिनु पर्छ ।
  • बाढीले जिप बगाउँदा बेपत्ता भएका विद्युत प्राधिकरणका कर्मचारीको शव फेला
  • पाल्पामा पहिरोले घर पुरिँदा बेपत्ता भएकामध्ये तीनजनाको शव भेटीयो
  • चाडपर्वका बेला भारत आवतजावतमा रोक लगाइने