भेनेजुएला संकट : अमेरिकाले तेल नकिन्ने

१६ माघ २०७५, बुधबार ०   बिचार / प्रतिक्रिया
25 Shares


वासिङ्टन — भेनेजुएलाका विपक्षी नेतालाई अन्तरिम राष्ट्रपतिमा समर्थन जनाएको अमेरिकाले सरकारी कम्पनीको तेल नकिन्ने घोषणा गरेको छ । अमेरिकाले सरकारी तेल कम्पनी पीडीभीएसएमाथि प्रतिबन्ध लगाउँदै सेनालाई विपक्षी नेता खुवान गुआइडोलाई शान्तिपूर्ण रूपमा सत्ता हस्तान्तरण गर्नसमेत आग्रह गरेको छ ।

अमेरिकाका राष्ट्रिय सुरक्षा सल्लाहकार जोन बोल्टनले ‘राष्ट्रपति निकोलस मडुरो र उनका सहयोगीले अब भेनेजुएलाका जनताको सम्पत्ति लुट्न नसक्ने’ बताए । भेनेजुएलामा राष्ट्रपति मडुरोविरोधी विपक्षीको आन्दोलन चर्कर्दै गएको छ । अमेरिका तथा अन्य २० भन्दा बढी देशले विपक्षी नेता खुआन गुआइडोलाई भेनेजुएलाको अन्तरिम राष्ट्रपतिको रूपमा मान्यता दिएका छन् । अमेरिकी अर्थमन्त्री स्टेभेन मुनचिनले अबदेखि भेनेजुएलाको तेल बिक्री गरेको पैसा मडुरोको सरकारले दुरुपयोग गर्न नपाउने बताएका छन् । उनले गुआइडोलाई अन्तरिम राष्ट्रपति स्वीकार गरे तेल कम्पनी प्रतिबन्धबाट बच्ने बताए ।  उनका अनुसार अमेरिकास्थित पीडीभीएसएको सहायक कम्पनी सिट्गोले अमेरिकामा सुरक्षित खातामा पैसा जम्मा गरेको खण्डमा मात्र आफ्नो कामलाई निरन्तरता दिन सक्नेछ । भेनेजुएलाले देशमा उत्पादितमध्ये ४१ प्रतिशत तेल अमेरिकालाई निर्यात गर्दै आएको छ । त्यसका साथै भेनेजुएलाले अमेरिकालाई कच्चा तेल आपूर्ति गर्ने देशमध्ये ठूला ४ मा पर्छ ।

मडुरोले पीडीभीएसएलाई आफ्नो सहायक कम्पनी सिट्गोको अधिकारका लागि ‘अमेरिका र अन्तर्राष्ट्रिय अदालतमा राजनीतिक तथा कानुनी’ चुनौती दिन भनेका छन् । विपक्षी नेता गुआइडो भेनेजुएलाकोसंसद्लाई सरकारी तेल कम्पनी पीडीभीएसए र सहायक कम्पनी सिट्गोमा नयाँ प्रमुख नियुक्त गर्न माग गरेका छन् । गुआइडो देशको तेल सम्पत्तिबाट हुने कमाइ आफ्नो नियन्त्रणमा लिन चाहन्छन् । एक साताअघि ३३ वर्षीय विपक्षी नेता गुआइडोले एक विशाल र्‍यालीबीच आफूलाई अन्तरिम राष्ट्रपति घोषित गरेका थिए ।

फेसबुकबाट तपाईको प्रतिक्रिया



ताजा समाचार

  • नेकपा सचिवालय बैठकअघि बालुवाटारमा मन्त्रिपरिषद् बैठक
  • निर्माणाधीन गौतमबुद्ध अन्तर्राष्ट्रिय विमानस्थलको दोश्रो टर्मिनल भवन निर्माण सुरु
  • आजबाट रा.वा. बैंकको सनराइज क्यापिटलमा रहेको सवा ४ लाख कित्ता…
  • समृद्धि फाइनान्सको २००% हकप्रद असोज १६ बाट निष्कासन हुने, कहिलेसम्मका…
  • सहकारीमा पनि घट्ने भयो ब्याजदर, यस्तो छ नयाँ व्यवस्था
  • समीट र सजिलो लघुवित्तको एकीकृत कारोबार आजदेखि, साढे ३९ करोड…
  • बिपि बिचार राष्ट्रिय समाज रुपन्देहीको कार्यसमिति बिस्तार, सदस्यमा पोखरेल मनोनित
  • सतोगुण : संयमित, सन्तुलित र श्रेष्ठ जीवनका लागि
  • आज  मंगलबारको राशिफल
  • पाल्हीनन्दन गाउँपालिका अध्यक्ष गुप्तालाई लगाम लगाउन वडा अध्यक्ष एकजुट