फेसबुकको त्रैमासिक मुनाफा ६ अर्ब ८८ करोड डलर

१७ माघ २०७५, बिहीबार ०   बिचार / प्रतिक्रिया
34 Shares


बुटवल- फेसबुकले सन् २०१८ को अन्तिम तीन महिनामा कीर्तिमानी त्रैमासिक मुनाफा हासिल गरेको छ । बुधवार सार्वजनिक गरिएको तथ्यांकअनुसार सो अवधिमा फेसबुकको नाफा ६ अर्ब ८८ करोड डलर नाफा भएको हो । यो कम्पनीको अहिलेसम्मकै सबैभन्दा बढी त्रैमासिक नाफा हो । अघिल्लो वर्षको सोही अवधिको तुलनामा फेसबुकको नाफा ६१ प्रतिशतले बढेको हो । २०१८ को अन्तिम त्रैमासिक अवधिमा कम्पनीको आम्दानी ३० प्रतिशतले बढेर १६ अर्ब ९१ करोड डलर पुगेको छ । यसमा विज्ञापनको बाट आएको आम्दानीको हिस्सा ९३ प्रतिशत छ ।

फेसबुकको सकारात्मक त्रैमासिक नतिजाको कारण अमेरिकी बजारमा कम्पनीको शेयर पनि बुधबार १२ प्रतिशत बढेको छ ।
फेसबुकका दैनिक र मासिक सक्रिय प्रयोगकर्ता ८.६ प्रतिशतले बढेको हो । यो अवधिमा दैनिक सक्रिय प्रयोगकर्ता १ अर्ब ५२ करोड पुगेका छन् । मासिक प्रयोगकर्ता भने २ अर्ब ३२ करोड पुगेका थिए । उत्तर अमेरिकाबाहेक अन्य क्षेत्रमा फेसबुकका मासिक प्रयोगकर्ताको संख्यामा उल्लेख्य वृद्धि भएको छ । एसिया प्यासिफिक क्षेत्रमा सबैभन्दा बढी सक्रिय प्रयोगकर्ताको संख्या बढेको छ । २०१८ को अन्तिम तीन महिनामा फेसबुकका केही कमजोरीहरु सार्वजनिक भए पनि यसले नाफामा भने खासै असर नगरेको पाइएको छ ।

फेसबुकबाट तपाईको प्रतिक्रिया



ताजा समाचार

  • सबल नेपाल सप्तरी द्वारा स्वास्थ सामग्री सहयोग
  • आजको राशिफल हेर्नुहोस
  • साहित्यमा झरको सैद्धान्तिक अवधारणा
  • नेपालको विदेश नीति गम्भिर मोडमा, भारतीय मिडियाहरुको नेपालप्रति खेदजनक प्रस्तुती
  • ओली सरकारले फेरि बढायो इन्धनको मूल्य
  • सार्वजनिक सवारी नचलाउने यातायात व्यवसायी राष्ट्रिय महासंघको निर्णय
  • निजी विद्यालयलाई समेटेर राहत प्याकेज घोषणा गरियोस्
  • कोरोना प्रभावितलाई सहयोग गरी हरियाली बनाउने लक्ष्य सहित फलफूलका बिरुवा…
  • गिरिजा प्रसाद कोइराला फाउण्डेशनले संघ-सस्थाहरु मार्फत निशुल्क शुद्व दुध वितरण…
  • विश्वविद्यालयलाई पार्टीका कार्यकर्ता भर्ती केन्द्र नबनाउन माग गर्दै उपकुलपतिलाई नेविसंघको…