केन्द्रीय पदाधिकारी र सदस्य स्वत महाधिवेशन र क्षेत्रीय प्रतिनिधि बन्ने नबन्ने बिषयले नेपाली कांग्रेसमा आन्तरिक विवाद

२९ माघ २०७५, मंगलवार ०   बिचार / प्रतिक्रिया
33 Shares


काठमाडौं \ केन्द्रीय पदाधिकारी र सदस्य स्वत महाधिवेशन र क्षेत्रीय प्रतिनिधि बन्ने नबन्ने बिषयले नेपाली कांग्रेस आन्तरिक विवादमा चुलिएको छ । निर्वाचनबाट प्रतिनिधि बन्नु पर्ने संस्थापन पक्ष र महासमिति बैठकमा भएको सहमति कार्यान्वयन हुनु पर्ने संस्थापनइतर पक्षका नेताको फरक धारणाले केन्द्रीय कार्यसमिति बैठक आरोप प्रत्यारोपमा केन्द्रित छ । सवैलाई समान अवसरको आवाज उठाउदै संस्थापन पक्षका नेताले निर्वाचित भएर आउनु पर्ने प्रावधान नराखिए पार्टी दुर्घटनामा पर्ने औल्याएका छन् । संस्थापन इतर पक्ष भने केन्द्रीय पदाधिकारी र सदस्य स्वतस् महाधिवेशन र क्षेत्रीय प्रतिनिधि बन्ने पूर्ववत प्रावधानलाई कायम राख्नु पर्ने पक्षमा देखिएको छ ।

पार्टीको विधान अनुमोदन लगायतको एजेण्डा सहित पछिल्लो समय जारी केन्द्रीय कार्यसमिति बैठक विधानमा मात्र केन्द्रित बन्न पुगेको छ । जसले राष्ट्रिय राजनीति सहित भ्रातृ संगठनहरुको बिषय समेत ओझेलमा पारेको छ । नेविसंघको कार्यसमितिबारे निर्णय लिन नसक्दा अध्यक्ष नैनसिंह महरले हिजो राजीनामा दिएका छन् । महाधिवेशन गराउन तदर्थ समिति गठन गर्ने बारे छलफल सुरु हुन सकेको छैन । ललितपुरको सानेपास्थित पार्टी मुख्यालयमा आज दिउँसो २ बजेका लागि बोलाईएको केन्द्रीय समिति बैठकमा विधानबारे बोल्न बांकी सदस्यले धारणा राख्ने सदस्य रामकृष्ण यादवले जानकारी दिनुभयो । सदस्यहरुले बोलेपछि मात्र केन्द्रीय पदाधिकारी र सदस्य स्वतस् महाधिवेशन र क्षेत्रीय प्रतिनिधि बन्ने वा निर्वाचित भएर आउने भन्ने निर्णय हुने नेता यादवको भनाई छ ।

फेसबुकबाट तपाईको प्रतिक्रिया

ताजा समाचार

  • मर्चवारीमा समाजवादीको गाउंपालिका समिति गठन
  • पश्चिम सरावल १ मा दोस्रो वडाध्यक्ष कप पुरुष फुटबल प्रतियोगिता…
  • श्रीमद् भागवत पितृमोक्ष धनधन्याञ्चल सप्ताह ज्ञान महायज्ञ तेस्रो दिन पनि…
  • साना किसान कृषि सहकारी सस्थां लिमिटेडको १७औ साधारण सभा सम्पन्न
  • बर्दघाटमा एक दिने निशुल्क स्वास्थ्य शिविर सम्पन्न
  • आदिकवि भानुभक्त आचार्यको स्मृतिमा बन्यो – ‘रामायण भवन’
  • धनुषा बम विस्फोटमा परी मृत्यु भएका इन्स्पेक्टर दाहालको आर्यघाटमा अन्त्येष्टि
  • सहकारीको ३० प्रतिशत लगानी कृषिमा अनिवार्य गरिंदै
  • विवाह भोजको खर्च धुर्मुस सुन्तली फाउन्डेसनलाई सहयोग गर्ने नव दम्पती
  • चक्कु प्रहार गरी तिलोत्तमा निवासी परीयारको हत्या