चिकित्सकले आकस्मिक बाहेकका सबै सेवा ठप्प पार्दै

१० फाल्गुन २०७५, शुक्रबार ०   बिचार / प्रतिक्रिया
13 Shares


काठमाडौं – सरकारी चिकित्सकहरूले शुक्रबार देशभरका सरकारी अस्पतालमा आकस्मिक बाहेकका सम्पूर्ण सेवा ठप्प पार्दैछन् ।चिकित्सकहरुले समायोजन प्रक्रियामा असहमति जनाउँदै सेवा ठप्प पार्न लागेको सरकारी चिकित्सक संघ नेपाल गोदानले विज्ञप्ति जारी गरी जनाएको छ ।  सरकारी प्रतिनिधिहरुसंग छलफल गरे पनि कुनै निष्कर्ष ननिस्केपछि आन्दोलनमा होमिनु परेको गोदानले जनाएको छ ।

काठमाडौं उपत्यकाका चिकित्सकहरुले शुक्रबार बिहान १० बजे वीर अस्पतालबाट र्याली निकालेर माइतीघर मण्डलामा पुगी सभा गर्ने भएका हुन् । चिकित्सकहरूको आन्दोलनका कारण सरकारी अस्पतालमा ओपीडी सेवा सञ्चालन नहुने भएको छ।  गोदानको यो आन्दोलनमा नेपाल चिकित्सक संघले पनि ऐक्यवद्धता जनाएको छ ।

फेसबुकबाट तपाईको प्रतिक्रिया