एजेन्सी /उत्तर कोरियाका नेता जिम किम जङ उन अमेरिकी राष्ट्रति डोनाल्ड ट्रम्पसँग हुन लागेको शिखरवार्तामा भाग लिन रेल चढेर जाने भएक छन् ।फेब्रुअरी २७ र २८ मा हुने दोस्रो शिखरवार्तामा किम रेल चढेर जाने अन्तर्राष्ट्रिय सञ्चारमाध्यमहरूले जनाएको छ । दोस्रो शिखरवार्ता भियतनाम हुने भएको छ । पहिलो शिखरवार्ता सिंगापुरमा भएको थियो ।
अन्तर्राष्ट्रिय सञ्चारमाध्यमका अनुसार किम रेल चढेर जाने हो भने कम्तीमा दुई दिन लाग्नेछ । सो यात्रा कम्तीमा तीन हजार किलोमिटर लामो रहेको छ । तर किमको यात्रासम्बन्धी योजनाहरू प्रायः अतिगोप्य भएको सञ्चारमाध्यमले जनाएको छ ।
जापानी र दक्षिण कोरियाली सञ्चारमाध्यमको अनुसार किम आफ्नो निजी रेल चढेर प्योङ्याङबाट सीमावर्ती डान्डोङ हुँदै चीन प्रवेश गर्ने र त्यहाँबाट रेलमार्ग हुँदै भियतनाम जाने सम्भावना रहेको पहिला जनाएका छन्।एनके न्यूजले भने किम सीधै रेलबाट हनोई जाने जनाएको छ । उनको रेलयात्राको दूरी ४,१५३ किलोमिटर हुने अनुमान गरेको छ।
थप समाचार
पोर्चुगलमा अन्र्तराष्ट्रिय साहित्य सम्मेलन हुँदै
