ओलीलाई अफ्ठ्यारो पर्ने प्रतिवेदन बुझायो असन्तुष्ट समूहले

१३ फाल्गुन २०७५, सोमबार ०   बिचार / प्रतिक्रिया
46 Shares


काठमाडौं – सत्तारुढ नेपाल कम्युनिस्ट पार्टी (नेकपा)का बहुमत असन्तुष्ट समूहले अध्यक्ष एवम् प्रधानमन्त्री केपी ओलीलाई पार्टी समायोजनको फरक प्रतिवेदन बुझाएको छ । असन्तुष्ट समूहले फरक प्रतिवेदन दुई अध्यक्षहरूलाई बुझाएपछि नेकपाभित्र तरंग उत्पन्न भएको छ । असन्तुष्ट समूहले विघठित कार्यदलका संयोजक रामबहादुर थापा र महासचिव विष्णु पौडेललाई दोषी ठहरा-याइएको छ ।

असन्तुष्ट समूहले बुझाएको प्रतिवेदनमा दुई पार्टीलाई समायोजन गर्ने विषयमा सुझावहरू दिइएको छ । विघठन भएको कार्यदलका सदस्यहरूले बुझाएको प्रतिवेदनले ओलीलाई सहयोगभन्दा पनि असहयोग हुने टिप्पणी भएको छ । असन्तुष्ट पक्षका नेता योगेश भट्टराईले भने, ‘पार्टी स्थायी कमिटीद्वारा गठन गरिएको संगठन एकीकरण सम्बन्धि कार्यदल र एकीकरणका बारेमा हाम्रा धारणा तथा सुझाब अध्यक्ष एवम् प्रधानमन्त्री ओलीलाई बुझाएका छौँ ।’

‘हामीले ७ पेज लामो लिखित धारणा प्रस्तुत गरेका छौँ त्यस अबसरमा अध्यक्ष कमरेडद्वारा धन्यवाद सहित मननयोग्य बिचार राख्नु भयो । छलफल राम्रो भयो’, भट्टराईले भनेका छन्, ‘अर्का पार्टी अध्यक्ष कमरेड प्रचण्डलाई शनिबार नै बुझाएका थियौँ । त्यस अबसरमा उहाँले उत्साहजनक बिचार राख्नु भएको थियो ।’ नेकपाको सचिवालय बैठकले सांगठनिक एकीकरणका लागि बनाएको कार्यदल विघटन गरेपछि रिसाएको समूहले छुट्टै प्रतिवेदन बुझाएका छन् ।

सचिवालयको उक्त निर्णयप्रति असन्तुष्टि जनाउँदै विघठित कार्यदलका बहुमत सदस्यले बुझाएको प्रतिवेदनमा कार्यदलको बैठकमा विवाद भएका मुख्य विषयहरूसहित सांगठनिक एकीकरणको प्रस्ताव उल्लेख छ । अध्यक्षद्धय ओली र प्रचण्डलाई सम्बोधन गर्दै बुझाएको प्रतिवेदनमा कार्यदलले काम गर्न नसक्नुमा संयोजक रामबहादुर थापा र महासचिव विष्णु पौडेललाई आरोप लगाइएको छ ।

प्रतिवेदनमा स्थायी कमिटिले बनाएको कार्यदल सचिवालयले भंग गर्ने निर्णय पार्टी विधानको धारा ३३ (ग) विपिरत भएको पनि प्रतिवेदनमा उल्लेख छ । प्रतिवेदनमा कार्यदल सदस्यहरू सुरेन्द्र पाण्डे, वर्षमान पुन, बेदुराम भुसाल, योगेश भट्टराई र लेखराज भट्टको नाम रहेको छ । प्रतिवेदनमा कार्यदलमा देखिएका मुख्य समस्यामा प्रदेश कमिटीका सदस्यको मापदण्ड र १० प्रतिशत सदस्य थप गर्ने विषयमा कार्यदलका सदस्यबीच विवाद भएको उल्लेख छ । असन्तुष्ट समूहले बुझाएको प्रतिवेदनमा पोलिटब्युरोको गठन–प्रतिवेदनमा उल्लेख प्रस्ताव अनुसार १४७ सदस्यीय पोलिटब्यूरो गठन गर्दा केन्द्रीय कमिटीमा रहेको पूर्वघटकको सदस्य संख्याको अनुपातमा पूर्व एमालेतर्पmका ८१ र पूर्व माओवादी केन्द्रतर्पmका ६६ सदस्य राख्न सुझाव छ ।

केन्द्रीय कमिटीका सदस्यहरूको कार्यविभाजन केन्द्रीय कमिटीका सदस्यहरूको कार्यविभाजन गर्दा विधानको धारा ४६ (क) को एक व्यक्ति एक मुख्य जिम्मेवारी हुने प्रवधान कडाईका साथ लागू गर्ने प्रतिवेदनमा उल्लेख छ । केन्द्रीय निकायको गठन गर्दा केन्द्रीय अनुशासन आयोग, केन्द्रीय लेखा परीक्षण आयोग र केन्द्रीय निर्वाचन आयोग गठन गर्दा ती आयोगका निवर्तमान सदस्यहरूलाई कायम राखी बाँकी सदस्यहरू पूर्वकेन्द्रीय सदस्यमध्येबाट पूर्ति गर्ने प्रस्ताव उल्लेख छ । जनवर्गीय सङ्गठनहरूको एकीकरण गर्दा जिल्ला र मातहत कमिटीहरूको एकीकरण गर्दा अबलम्वन गरिने मापदण्डहरू नै अबलम्वन गर्ने प्रस्ताव प्रतिवेदनमा छ ।

फेसबुकबाट तपाईको प्रतिक्रिया

ताजा समाचार

  • बाँकेमा गाडी दुर्घटना हुदा ११ जनाको मृत्यु भयो
  • आज सोमबारको राशिफल
  • स्याङ्जा र तनहुँका थप तीन जनामा कोरोना संक्रमण पुष्टि
  • यसै वर्षको अन्तमा कोरोनाको भ्याक्सिन विश्वबजारमा आउने दाबी
  • निःशुल्क पीसीआर परीक्षण गर्न सर्वोच्चको आदेश
  • अमेरिकामा चारसय स्वास्थकर्मीलाई नेपालीले खुवाए खाना
  • बुटवलको कोरोना विशेष अस्पतालबाट निको भएर चार जना घर फर्किए
  • नवलपरासीमा नंया प्रहरी प्रमुख आएसंगै तस्करहरुको भागाभाग
  • लकडाउन लम्ब्याउने हो भने नागरिकहरुको हेरचाह गर्ने सम्पूर्ण जिम्मेवारी राज्यले…
  • आँधिखोला लघुवित्त वित्तिय संस्था द्वारा प्रदेश–५को विपद् ब्यवास्थापन राहत कोषमा…