भारतले बदला लियो , पाकिस्तानमा बर्सायो हजार किलोको बम

१४ फाल्गुन २०७५, मंगलवार ०   बिचार / प्रतिक्रिया
0 Shares


काठमाडौ \ कश्मिरको पुलवामा भएको आत्मघाती आक्रमणपछि आक्रोसित बनेको भारतले पाकिस्तानलाई यसको बदला लिएरै छाड्ने चेतावनी दिँदै आएको थियो । यस्तै चेतावनीकाबीच पाकिस्तानले हिजोमात्र भारतसंग शान्ती स्थापनाका लागि एक मौका समेत मागेको थियो तर भारतले धम्कीकै बीचमा पुलवा घटनाको १२ दिनपछि पाकिस्तानबिरुद्ध ठुलो कारवाही गरेको छ । मंगलबार बिहान करिब साढे तीन बजे मिराज–२००० लडाकू विमानले नियन्त्रण रेखा एलओसी पार गरी पाकिस्तान प्रशासित काश्मिरमा छिरेर चरमपन्थी गुटमाथि हमला गरेको हो । जैस ए मोहम्मदलाई ठेगान लगाउन भारतले १२ वटा मिराज विमानमार्फत हजार किलो बम बर्साएको हो । भारतको आक्रमणबाट पाकिस्तानमा रहेका विभिन्न चरमपन्थी क्याम्प ध्वस्त पारिएको भारतीय मिडियाले दाबी गरेको छ । आक्रमणबारे भारतीय वायुसेनाको सूत्रले पुष्टी गरेको छ ।

स्रोतलाई उद्धृत गर्दै भारतीय मिडियाले भनेको छ ‘बालाकोट, चकोटी, मुजफ्फराबादमा जैशका इलाका ध्वस्त भएको छ । बालाकोट पाकिस्तानको प्रान्त खैबर पख्तूनख्वाहमा अवस्थित छ । हमला भएको स्थान एलओसीभन्दा करिब ५० किलोमिटर टाढा छ । भारतले पुलवा घटनाको बदला लिन सरकारी अधिकारी र भारतीय सेनाबीच निरन्तर वार्ता गरिरहेको थियो । अन्तत भारतले आतंकवादबिरुद्ध गरेको यो हमलालाई अन्तराष्ट्रिय मिडियाले निकै चासोका साथ हेरेको छ । यता पाकिस्तानले शान्तीका लागि एक मौका माग्दा माग्दै भारतले गरेको आक्रमणपछि यसको आलोचना गरेको छ । पाकिस्तानी सेनाका प्रवक्ता मेजर जनरल आसिफ गफूरले ट्वीट गर्दे लेखेका छन् ‘भारतीय वायुसेनाले मुजफ्फराबाद सेक्टरमा घुसपेठको कोसिस गरेको थियो’ । यता भारतले पुलवा घटनापछि पाकिस्तानमा जवाफी हमला गर्ने अनुमान गरिरहँदा हजार किलो बम बर्साउला भनेर कसैले सोचेका थिएनन् । भारतले गरेको उक्त आक्रमणलाई सोचे भन्दा बढि भएको टिप्पणी गरिएको छ ।

फेसबुकबाट तपाईको प्रतिक्रिया

ताजा समाचार

  • कच्चा तेल तथा पेट्रोलियमको उत्पादनमा अमेरिकाको नयाँ कीर्तिमान
  • अमेरिका र उत्तर कोरियाबीच चाँडै वार्ता हुने विश्वास
  • रवि लामिछानेको समर्थनमा बुटवलमा भब्य प्रदर्शन, हजारौंको उपस्थिति
  • लुम्बिनी भ्रमण वर्ष सफल बनाउन बुटवलमा सडक खाना महोत्सव हुने
  • ‘ग्रिनल्याण्ड’ किन्ने कुरा नमिले पछि अमेरिकी राष्ट्रपति ट्रम्पको डेनमार्क भ्रमण…
  • ‘बादशाह जुट’ को अफिसियल रिलिज डेट र पोस्टर सार्वजनिक
  • कृर्षिजन्य बस्तुको आयातमा नियमन र नियन्त्रण गर्नुपर्नेमा जोड
  • रवि लामिछानेको रिहाईको माग गर्दै देशभर प्रदर्शन : वुटवलमा उर्लियो…
  • भ्रामक समाचार राख्ने युट्युबर र वेवसाइटलाई घरघर गएर कार्वाही गर्छौ…
  • कारबाहीको माग गर्दै स्थानियद्वारा मणिमुकुन्द सेन उद्यानमा प्रदर्शन