करेन्ट लागेर दाङमा १ जनाको मृत्यु

प्रकाशित मिति:

दाङको देउखुरीमा करेन्ट लागेर एक जनाको मृत्युु भएको छ । राप्ती गाउँपालिका वडा नम्बर ३ मौरीघाट निवासी ३७ वर्षीय भेषराज पौडेलको करेन्ट लागेर मृत्युु भएको जिल्ला प्रहरी कार्यालय दाङका निमित्त प्रमुख एवं डिएसपी रामप्रशाद घर्तीले जानकारी दिए ।

सोमवार बेलुका आफ्नै घर भित्र लत्रिएको बिजुलीको तार मिलाउने क्रममा पौडेललाई करेन्ट लाग्दा गम्भीर घाइते भएका थिए । स्थानीय मेडिकलमा प्राथमिक उपचार पछि थप उपचारका लागि बाँकेको कोहलपुर तर्फ लैजाँदै गर्दा पौडेललको बाटोमै मृत्यु भएको घर्तीले जानकारी दिए ।

यो खवर तयार पार्दै गर्दा मृतकको शवलाई पोष्ट मार्टमको लागि दाङको लमही अस्पतालमा राखिएको प्रहरीले जानकारी दिएको छ ।