एनआरएनएमा झागिएको विकृति र विसंगती हटाउन मेरो उम्मेद्वारीः थापा

न्यूयोर्क–विगत केही वर्ष अगाडीदेखि परम्परागत रुपमा राजनीतिक समस्याले झागिएको गुट उपगुट, मुद्दा मामिलाले जकडेको एनआरएनएलाई शुद्ध सुदुढ गर्ने एनआरएनएका अध्यक्ष पद्का दावेदार संजय थापाले बताउनु भएको छ । मेरो उम्मेदवारीको मुख्य उद्देश्य भनेकै एनआरएनएभित्र रहेका विकृति र विसंगती हटाउनु भएको थापाले बताए ।

अमेरिकामा रहेका नेपालीको साझा चौतारीको रुपमा एनआरएनलाई एउटै मालामा उन्ने अठोटका साथ मैले एनआरएनएको अध्यक्ष पद्मा उम्मेदवारी दिएको थापाल बताउनु हुन्छ ।
‘एक पटकको नेपाली सधैको नेपाली’ भन्ने मूल नारा सहित वर्तमान नेपाली सरकारसँग हातेमालो गर्दै अघि बढ्नेछु,’ उहाँले भन्नु भयो ‘बारम्बार प्रवासी नेपालीमा परेका समस्या समाधान गर्न म लड्र्दै आएको छु ।’ अबका दिनहरूमा पनि विश्वभरि छरिएका नेपालीहरूको बीचमा अमेरिकाको एनआरएनए नमूना बनाउने मेरो मूल ध्यये हो ।

अध्यक्षका दावेदार थापा नावी कार्यक्रममा भाग लिन अमेरिकाको विभिन्न राज्यमा जाँदै हुुनुहुन्छ । आगामी अप्रिल १४ गते बाल्टिमोडमा उहाँको चुनावी प्रचार प्रसारको कार्यक्रम रहेको छ भने अप्रिल २० मा सनफान्स्को, २१ मा लस एन्जलसको क्यालिफोनिया पुग्दै हुुनुहुन्छ । मे ११ देखि १४ सम्म उहाँले न्यूयोर्कदेखि वोष्र्टन, हाम्पसिरलगायतका स्थानमा चुनावी कार्यक्रम सहितको भ्रमण गर्नुहुने भएको छ ।