पहाडी र विकट स्थानलाई पहिलो प्राथमिकतामा राखेर कार्य गरिने प्रदेश ५ का भौतिक पूर्वाधार विकास मन्त्रीको भनाई

नवलपरासी-पश्चिम नवलपरासीको सुनवल नगरपालिका स्थित प्रतापपुर जर्गाहा हुँदै बर्दघाट नगरपालिको सुखौरा धुर्कोट जोडने पुलको आज डम्बरभार खोलामा शिलायान्स गरिएको छ । बर्दघाट नगरपालिका वडा नम्बर २ का समाजसेवी मानबहादुर रानाको अध्यक्षता तथा भौतिक पूर्वाधार बिकास मन्त्री चौधरीको प्रमुख आतिथ्यतामा सम्पन्न कार्यक्रममा बोल्दै मन्त्री चौधरीले देशलाई विकास र समृद्ध बनाउने अभिभारा नेकपाको काधमा आएको र समृद्धिको अभियान दु्रत गतिमा अघि बढीरहेको बताउनुभएको छ ।

मन्त्री चौधरीले शहरमा मात्र बिकास गरेर समृद्ध नहुने भएकोले सगसगै गाउँको बिकास तर्फ पनि केन्द्रित हुनुपर्ने जोड दिदै प्रदेश नं ५ ले शहर क्षेत्रलाई भन्दा बिकासको पहुचबाट टाढा रहेका गाउँको विकासलाई पहिलो प्राथमिकता दिने गरेको बताउनुभयो । प्रदेश नं ५ को सरकारका प्रवक्त समेत रहेका चौधरीले प्रदेश सरकारले बिकासको मोडेल तयार पारी गाउँ–गाउँको बिकास तर्फ केन्द्रित भएको दाबी समेत गर्नुभयो । साथै उहाँले गाउँ बिकास हुदैन भने प्रदेश सरकारले लिएको समृद्ध नारा पुरा नहुने भन्दै गाउँ बिकास नहुदाँ शिक्षा स्वास्थ्य बाट टाढा रहेकाले जनताको सपना साकार पार्न सरकार लागि परेको चौधरीको भनाई थियो । समृद्धीको नारा कागजमा मात्र सिमीत राखेर समृद्ध नहुने भएकोले प्रदेश सरकार यसलाई कागजमा सिमीत नराखेर बिकासमा उच्च प्रथामिकता दिईरहेको समेत बताउनुभयो । अर्को प्रसंगमा बोल्दै मन्त्री चौधरीले प्रदेश नम्बर ५ ले समाजिक न्याय सहितको समृद्धिको अवधारणा अवलम्बन गर्ने बताउदै प्रदेश नम्बर ५ का पहाडी र विकट स्थानलाई पहिलो प्राथमिकतामा राखेर काम गर्ने बताउनुभयो ।

कार्यक्रममा प्रदेश सासद दिपेन्द्र अधिकारीले सुनवल बर्दघाट जोडने पुलको निमार्ण कार्यको शुरुवात गरेकोमा मन्त्री चौधरीलाई धन्यवाद दिदैँ स्थानियबासीहरुले गुणस्तरीय काम होस् भनी अनुगमन गर्न अग्रह गरेका छन । प्रदेश सासद भगौती भन्डारीले जग्गाको नापनाक्साको लागि प्रदेश सरकार र सघ सरकारसंग समन्वय गरेर यसको छिट्टै समस्या समाधान गर्न बताईन । बर्दघाट नगरपलिकाको नगरप्रमुख धिरज शर्मा बस्याले यस गाउँलाई रमणीय पर्यटकीय रुपमा बिकास गर्न नगरपालिका लागि परेको बताए । सुखौरा गाउँलाई बिकास गर्नको लागि र यस क्षेत्रमा पर्यटक भित्राउने खालको नगरपालिकाले काम गरिरहेको नगरप्रमुख बस्यालले जोड दिएका थिए । उनले जहासम्म जग्गाको बिषयमा जग्गाको नापनाक्सा लागि पहल भैरहेको र यसको छिट्टै समस्या समाधन गर्ने दाबी गरेका छन । सो अवसरमा सबिधान सभा सदस्य सिन्धु जलेसा, सुनवल नगर उपप्रमुख दधिराम अर्याल, समाजसेवी देवान गुरुङ लगायतले बोल्नुभएको थियो । ९६ लाख ४६ हजार ४ सय कुल लगातमा आरसीसी पुल निमार्ण हुने भएको छ । उक्तपुल २०७६ असारमसान्त सम्म निमार्ण गरिसक्नु पर्ने म्याद रहेको छ । पुल निमार्ण गर्न तिरुपति निमार्ण सेवा सुनवलसंग ठेक्का सम्झौता भएको पूवाधार बिकास कार्यालयका ईन्जिनीयर हेमन्त कुमार रोक्काले जानकारी दिए । उक्त पुलको लम्बाई ३५ मिटर चौडाई ६ मिटर र उचाई ३ मिटरको हुने रोक्काले बातए । उक्त क्षेत्रमा पुल नहुदाँ स्थानियबासीहरुलाई बर्षायाममा अवात जावत गर्न कठिन भैरहेको थियो । पुल बनेपछि २२०० घरधुरी लाभान्वती हुने स्थानिय अगुवा देवान गुरुङ्गले बताउनुभएको छ ।