पोखरा – गण्डकी प्रदेश सरकारले प्रदेशसभा सदस्य तथा पदाधिकारीहरुको बैठक भत्ता बढाउने निर्णय गरेको छ। हिजो आइतबार बसेको मन्त्रिपरिषद बैठकले प्रदेश सभा सदस्य र पदाधिकारीहरुको बैठक भत्ता दैनिक एक हजार रुपैयाँ पुर्याउने निर्णय गरेको हो। यसअघि प्रदेशसभा सदस्य र पदाधिकारीको भत्ता दैनिक ७५० रुपैयाँ रहेको थियो ।
पोखरामै घर भएका प्रदेश सभा पदाधिकारी तथा सदस्यलाई आवास तथा मर्मत सुविधाबापत अरुले पाउने मासिक १५ हजार रुपैयाँको आधा दिने पनि निर्णय भएको छ । त्यस्तै बैठकमा पोखरा महानगरपालिकाको वडा नम्बर ३३ भरतपोखरीमा प्रदेश औद्योगिक ग्राम स्थापना गर्न आवश्यक ३२ सय रोपनी जग्गा उपलब्ध गराइदिन संघ सरकारलाई अनुरोध गर्ने निर्णय भएको छ । त्यस्तै मन्त्रिपरिषद्को बैठकले तनहुँको आँबुखैरेनीमा पेट्रोलियम पदार्थ भण्डारण केन्द्र स्थापना गर्न केन्द्र सरकारसँग एक सय रोपनी जमिनको माग गरेको सरकारका प्रवक्ता तथा भौतिक पूर्वाधार विकास मन्त्री रामशरण बस्नेतले बताए।
थप समाचार
रायमाझीसहित सात प्रतिवादीलाई थुनामै पठाउन आदेश
