राधाकृष्ण डुम्रे-स्याङ्जा सत्तारुढ नेपाल कम्युनिस्ट पार्टी (नेकपा)ले स्याङ्जाले ११ वटै स्थानीयतह सहित जिल्ला कमिटिलाई पूर्णता दिएकोछ । नेकपा स्याङ्जाले १ सय ४५ सदस्य रहेको जिल्ला कमिटि बनाएको हो । जसमा पूर्व एमालेबाट ८७ जना र पूर्व माओवादीबाट ५८ जना सदस्य चयन गरिएको नेकपा स्याङ्जाका अध्यक्ष सुर्य प्रसाद गैह्रेले जाकनारी दिनुभयो ।
यस्तै शनिवार नै स्याङ्जाका ११ वटै स्थानीतहका अध्यक्ष र सचिवको घोषणा गरी सपथ समेत खुवाईएकोछ । जिल्ला कमिटि र स्थानीयतहमा चयन भएका पदाधिकारी तथा सदस्यहरुलाई नेकपा गण्डकी प्रदेश सदस्य हितराज पाण्डेले सपथ गराउनु भएको हो । सपथ ग्रहण गराउदै प्रदेश अध्यक्ष पाण्डेले गाँउ—गाँउ सम्म पार्टी एकिकरणको सन्देश पुर्याउन आग्रह गर्नुभयो ।
नेकपा स्याङ्जाका अध्यक्ष सुर्य प्रसाद गैह्रे पारसको अध्यक्षतामा सम्पन्न भएको कार्यक्रमको सचालन सचिव मिनप्रसाद गुरुङले गर्नुभएको थियो ।नेकपाले स्याङ्जाका ११ वटै स्थानीयतहलाई पूर्णता दिएकोछ । नगरपालिकामा पूर्व एमालेबाट ५२ र पूर्व माओवादीबाट २९ सदस्य गरी ८१ सदस्य रहेको नगरकमिटि बनाईएको छ भने गाँउ पालिकामा पूर्व एमालेबाट ४८ र पूर्व माओवादीबाट २७ गरी ७५ सदस्य रहेको गाँउकमिटिको चयन गरिएकोछ । स्थानीयतह मध्ये वडा कमिटि निर्माण गर्ने काम भईरहेको नेकपा स्याङ्जाका अध्यक्ष गैह्रेले जानकारी दिनुभयो ।
थप समाचार
युवाले उठाए उद्योग बाणिज्य संघले लगाएको मेलाको फोहोर
