नेता सुध्रिए पार्टीमा जागरण आउँछ – डा शेखर

५ जेष्ठ २०७६, आईतवार ०   बिचार / प्रतिक्रिया
0 Shares


काठमाडौं – नेपाली कांग्रेसका नेता डा शेखर कोइरालाले कांग्रेसका नेता सुध्रिए पार्टीमा स्वतः जागरण आउने बताएका छन् । नेपाली कांग्रेस चितवन–काठमाडौं सम्पर्क समितिले जागरण अभियानको सन्दर्भमा आयोजना गरेको कार्यक्रममा नेता कोइरालाले जागरण अभियानका दौरान नेताले गुटबन्दी नगर्ने प्रण लिनुपर्ने बताए ।

‘माथि नेताहरु गुट आधारमा लडिरहने, आफ्नो स्वार्थका लागि दौडिरहने हो भने कार्यकर्ता मात्रै गतिलो भएर पार्टी बन्दैन । कांग्रेसमा कार्यकर्ता गतिला छन्, अब नेता पनि सुध्रेर गतिलो हुनुपर्यो ।’, कोइरालाले भने । उनले कांग्रेसको कमजोरी कांग्रेस नै हुने अवस्थाको अन्त्य गरेमात्रै जागरण अभियान सार्थक हुने बताए । वर्तमान सरकारले प्रेस स्वतन्त्रता र मानव अधिकारको धज्जी उडाएको भन्दै नेता कोइरालाले सरकारको कदमविरुद्ध आन्दोलन गर्न कार्यकर्तालाई नेतृत्वले प्रेरित गर्नुपर्ने बताए ।

कार्यक्रममा कांग्रेस केन्द्रीय सदस्य प्रदीप पौडेलले जागरण अभियान कांग्रेसको आन्तरिक एकता मजबुद पार्नका लागि भएको भन्दै एकताबिना कम्युनिष्टसंगको प्रतिस्पर्धा सहज नहुने बताए । ‘दुई तिहाईको सरकारमा रहेका कम्युनिष्टसंग विभाजित मानसिकताले लड्न सकिन्न । कांग्रेसभित्र एकता भयो भने संसारका कम्युनिष्ट मिलेपनि हामी जित्छौं ।’, पौडेलले भने ।

उनले सरकारका लोकतन्त्र विरोधी कदमबाट जनता हैरान भएको भन्दै कांग्रेसले गाउँगाउँमा पुगेर जनताको हौसला बढाउनेगरी काम गर्नुपर्ने बताए । कांग्रेस नेता एवं पूर्वमन्त्री सुरेन्द्र चौधरीले जागरण अभियानले पार्टीलाई बलियो बनाउने विश्वास व्यक्त गरे । उनले अघिल्लो निर्वाचनमा कम्युनिष्टले जनतालाई भ्रममा पारेपनि अब कम्युनिष्ट शासन देखेपछि जनताले अभिमत बदल्ने बताए ।

नेपाली कांग्रेस चितवनका सभापति जितनारायण श्रेष्ठले कांग्रेसको विश्वविद्यालय सानेपास्थित केन्द्रीय कार्यालय रहेको भन्दै नेताहरुले घरघरमा गुटको कलेज चलाउन आवश्यक नरहेको बताए । चितवन कांग्रेसका सचिव उत्तम जोशीले पार्टी नेतृत्वले जिल्ला नेतृत्वलाई समुचित जिम्मेवारी दिए पार्टीको सक्रियता बढ्ने बताए । कांग्रेसका युवा नेता दिनेश कोइरालाले नेताहरुको दौडाहाले मात्रे पार्टी नसुध्रिने भन्दै अर्थपूर्ण लक्ष्यका लागि कार्यकर्ता परिचालित हुनुपर्ने बताए । सो क्रममा नेपाली कांग्रेस चितवनले प्रकाशन गरेको भित्तेपात्रो सार्वजनिक गरिएको थियो ।

फेसबुकबाट तपाईको प्रतिक्रिया

ताजा समाचार

  • कट्रिनाको नाम सुनेपछि उठ्दै सिट्ठी र ताली बजाउन थाले सलमान
  • वैदेशिक रोजगारीको नाममा ठगी गर्ने एक जना पक्राउ
  • खोपबारे जान्नैपर्ने कुरा : कुन खोप कहिले ?
  • पशुपतिनाथ मन्दिरको प्रवेशद्वार अगाडि शंकास्पद वस्तु फेला, सेनाद्वारा डिस्पोज
  • डा. कार्कीलाई नेपाली जनसम्पर्क समिति अमेरिकाले बुझायो ज्ञापनपत्र
  • सिद्धार्थ मेमोरियललाई नगर स्तरीय हाजिरि जवाफ प्रतियोगिताको उपाधि
  • सामुदायिक बिद्यालय सम्मेलनमा नेपालको प्रतिनिधित्व सोमनाथले गर्ने
  • आधाभन्दा बढी विद्युतको स्रोत नवीकरणीय उर्जा
  • संसारकै अग्लो भवन बुर्ज खलिफामा आज नेपाली झन्डा देखिने
  • नक्कली भारतीय रुपैयाँ सहित २ जना पक्राउ