काठमाडौँ – सोमबार राति पाँचथरको मिक्लाजुङ–३, आरुबोटेमा दुई परिवारको एकै पटक सामूहिक हत्या भएकाे छ । हत्या गरिएकामा ३६ वर्षीया जस्मिता फियाक, ४१ वर्षीय धनराज शेर्मा, २६ वर्षीया मनकुमारी फियाक, ६ वर्षीया इक्सा शेर्मा, १३ वर्षीया योवना शेर्मा, आठ वर्षीया मुना शेर्मा, ७४ वर्षीय बमबहादुर फियाक, पुर्सीमाया फियाक र १२ वर्षीया आशिका खजुम लिम्बूको रहेका छन् । घटनामा १२ वर्षीया सीता खजुम भने भागेर बाँच्न सफल भएकी छन् ।
प्रहरीले घटनाबाट बाच्न सफल सीताको बयानसहित आफूले गरेको अनुसन्धानका आधारमा फियाक परिवारकै कान्छा ज्वाई मानबहादुर मोखिमले हत्या गरेको हुनसक्ने आशंका गरेको छ ।
कसरी शंकाको घेरामा परे मोखिम ? प्रहरीका अनुसार अनुसन्धानको क्रममा हत्यामा संदिग्ध व्यक्तिको रुपमा देखिए फियाक परिवारकै मानबहादुर मोखिम । उनको खोजी कार्य चल्यो तर मोखिमको शव मिक्लाजुङ–८, लुमाङ्दिनमा झुण्डिएको अवस्थामा भेटिएपछि झनै प्रहरी यस्तो प्रारम्भिक निश्कर्ष निकालेको हो । घटनामा घाइते भई बाँच्न सफल बालिका सीताको बयानका आधारमा प्रहरीले तयार पारेको हुलिया पनि मोखिमकै थियो ।
घटनाको अनुसन्धानका लागि काठमाडौंबाट केन्द्रीय अनुसन्धान ब्युरो ९सीआईबी० का एसपी उमाप्रसाद चर्तुवेदी नेतृत्वको टोली घटनास्थल गएको छ भने प्रदेश प्रहरी कार्यालयले पनि एसएसपीको नेतृत्वमा अनुसन्धान टोली खटाएको छ । घटनाको जानकारी पाएलगतै अनुसन्धानका लागि संघीय प्रहरी कार्यालय, धरानका एसएसपी शरद खत्रीको नेतृत्वमा तालिमप्राप्त कुकुरसहितको टोली खटाइएको छ ।
थप समाचार
युवाले उठाए उद्योग बाणिज्य संघले लगाएको मेलाको फोहोर
