सेमेष्टर प्रणालीले सिक्ने र सिकाउने शैलीमा परिवर्तन

८ जेष्ठ २०७६, बुधबार ०   बिचार / प्रतिक्रिया
0 Shares


काठमाडौँ – सेमेष्टर प्रणाली कार्यान्वयनका कारण सिक्ने र सिकाउने शैलीमा परिवर्तन आएकाले त्रिभुवन विश्वविद्यालयले यसलाई थप सुदृढ बनाउने भएको छ । सेमेष्टर प्रणालीलाई आधुनिक, गुणस्तरीय एवं विश्वस्तरीय बनाउन विश्वविद्यालयले विज्ञ र सम्बन्धित पक्षसँग परामर्श गरेको छ ।

सेमेष्टर प्रणालीलाई थप शक्तिशाली बनाई शिक्षक केन्द्रित प्रणालीबाट विद्यार्थीका रचनात्मक क्षमता र व्यावहारिक ज्ञानलाई ज्ञान तथा सीप आर्जनको वातावरणमा लाग्न जोड दिइएको छ । सो प्रणालीमा कक्षा सञ्चालन भइरहेका उपत्यका बाहिरका १६ आंगिक क्याम्पसबाट ३२ र अन्य उपत्यकाका विभिन्न आंगिक क्याम्पससमेत गरी ८० जना अन्तक्र्रियामा सहभागी रहेका थिए ।

विश्वविद्यालयका उपकुलपति प्रा डा तीर्थराज खनियाँले सिकाइ आफँैमा जटिल एवं दायरा फराकिलो भएकाले शिक्षकले जानेको ज्ञान मात्रै अन्तिम ज्ञान नभएको बताउनुभयो । उहाँले विश्वव्यापी भूमण्डलीकरणका कारण सिक्ने र सिकाउने प्रणालीमा परिवर्तन आएको हुनाले उक्त प्रणालीलाई थप व्यवस्थित एवं सृदृढ बनाउँदै लैजाउनुपर्नेमा जोड दिनुभयो ।

शिक्षाध्यक्ष प्रा डा सुधा त्रिपाठीले सो प्रणालीले कक्षाकोठामा अन्तक्र्रियाको वातावरण निर्माण गर्दै विद्यार्थीलाई निष्क्रिय हुनबाट जोगाउने बताउनुभयो । रजिष्ट्रार डिल्लीराम उप्रेतीले शिक्षण विधिमा भएको विश्वव्यापी परिवर्तनलाई आत्मसात् गर्दै सूचना तथा प्रविधिको प्रयोगबाट कक्षाकोठामा सिकाइको वातावरण निर्माण गर्नुपर्नेमा जोड दिनुभयो । त्रिविले चार वर्ष अघि सेमेष्टर प्रणाली कार्यान्वयनमा ल्याएको थियो । – रासस

फेसबुकबाट तपाईको प्रतिक्रिया

ताजा समाचार

  • यात्रीलाई कुरुप भन्ने विमानस्थल कर्मचारीको जागिर गयो
  • भारतमा फेला परे नयाँ प्रजातिका माछा
  • घुस लिएको अभियोगमा सबइञ्जिनीयर पक्राउ
  • भारतमा हिमाचल राज्यमा घरमाथि रुख ढल्दा २ नेपालीको मृत्यु,पाँच जना…
  • पत्रकार डायलसन अधिकारीको निधन प्रती सभापति भरत कुमार शाह दुःख…
  • रोट्रयाक्ट डाउनटाउन द्वारा पर्यटन प्रबर्द्धन कार्यक्रम सम्पन्न
  • काठमाडौं प्रहरी प्रमुखलाई फेसबूकमा गाली गरेको भन्दै एक युवक पक्राउ
  • बोक्सीको आरोप लगाउँदै महिलालाई मलमूत्र खुवाइयो
  • चितवनका प्रहरी प्रमुखले भने– आन्दोनकारीमाथि सूक्ष्म निगरानी गरिरहेका छौं
  • शिल्पा पोखरेललाई पक्राउ नगर्न सर्वोच्चको आदेश