एजेन्सी -गर्मीको सिजन सुरु भइसकेको छ । यस्तो गर्मीको सिजनमा तपाईले आफ्नो शरीरलाई तन्दुरुस्त तथा शितल राख्न चाहनुहुन्छ भने त्यसको लागि नरिवलको पानी फाइदामन्द साबित हुनसक्छ । गर्मीमा नरिवलको पानी सेवन गर्नु स्वास्थ्यको लागि निकै फाइदाजनक छ ।
नरिवल पानी पिएर बाहिर निस्कदा तातो हावाबाट तपाईलाई सुरक्षित राख्न मद्दत गर्छ । साथै यसले लु लाग्ने समस्याबाट पनि बचाउँछ । त्यस्तै नरिवलको पानी सेवन गर्दा शरीरलाई चिसो बनाउन तथा तापक्रमलाई ठीक बनाइराख्न मद्दत गर्छ ।
इनर्जीको बेस्ट सोर्सः
नरिवल पानीको विशेषता भनेको शरीरलाई चिसो बनाउनुका साथै शरीरको तापमानलाई ठीक बनाउनु हो । त्यस्तै नरिवलको पानीलाई इनर्जीको राम्रो श्रोतको रुपमा पनि लिइन्छ । धेरै व्यायम गर्नेहरुले नरिवल पानी पिउनु निकै लाभदायी मानिन्छ । व्यायमपछि पिउनु उत्तम हुन्छ ।
मिनरल्स र पोटासियमबाट भरिपूर्णः
नरिवल पानीमा क्याल्सियम, म्याग्नेसियम, र पोटासियम भरपुर पाइन्छ, यसले ब्लड सर्कुलेशनलाई बढाउँछ । यो एक इलेक्ट्रोलाइट ड्रिंक हो, जसले शरीरलाई रिहाइड्रेड गर्छ । यदि तपाईको पाचन प्रणालीमा गडबडी भएमा पनि नरिवल पानी पिउनु राम्रो मानिन्छ । यसमा एन्टी वाइरल र एन्टी ब्याक्टेरियल प्रोपर्टिज पनि हुन्छ ।
थप समाचार
“क्लोरिन भएको पानी पिउन योग्य हुन्छ”
कण्डमबारे जनचेतना फैलाउन बुटवलमा सांगीतिक कन्सर्ट
