‘मन्द मन्द’ मा भित्रिए कसिस र नविन

१० जेष्ठ २०७६, शुक्रबार ०   बिचार / प्रतिक्रिया
0 Shares


काठमाडौँ -राजबहादुर सानेको लेखन र निर्देशनमा निर्माण भइरहेको फिल्म ‘मन्द मन्द’ को प्रमुख भूमिकामा कसिस दाहाल र नविन रेग्मी अनुबन्ध भएका छन् । फ्लोरमा जानुअघि फिल्ममा बिनय श्रेष्ठ, प्रमोद अग्रहरि र रबिन्द्र झा अनुबन्धित भए पनि बाँकी दुई कलाकार कसलाई लिने भन्नेमा निर्मातारनिर्देशक अन्योलमा थिए । अन्ततः कसिस र नविन भित्रिएका छन् ।

बैशाख तेश्रो सातादेखि सुटिङ सुरु भएको सस्पेन्स सोसल ड्रामा ‘मन्द मन्द’ को हाल जुम्लाका छायांकन भइरहेको निर्देशक सानेले जानकारी दिएका छन् । रुद्राक्ष फिल्मस्को ब्यानरमा रुद्र खनाल कार्यकारी निर्माता रहेको फिल्मको निर्मातामा टेकराज रेग्मी र कमल गिरी छन् । दिव्यराज सुबेदीले फिल्म खिचिरहेका छन् । काठमाडौबाट सुरु भएको ‘मन्द मन्द’ को सुटिङ नारायणघाट, बुटवल, कोहलपुर, सुर्खेत, कालिकोट हुँदै जुम्ला र मुगुसम्म पुग्दै छ । फिल्मका गीतको कोरियोग्राफी रामजी लामीछानेले गरिरहेका छन् । नव(नायिका कसिस र नायक नविनले ‘मन्द मन्द’ मा आफुहरुले निकै मिहिनेतका साथ अभिनय गर्ने बताएका छन् ।

फेसबुकबाट तपाईको प्रतिक्रिया