मन्दिर र खेलकुद मैदान निर्माणमा बिदेशमा रहेका युवाको सक्रियता

१३ जेष्ठ २०७६, सोमबार ०   बिचार / प्रतिक्रिया
130 Shares


अर्घाखाँची /  रोजगारीका लागि युवाले गाउँ छाडे पछि युवा बिहिन बस्ति बन्दै गएको खबर त नौलो रहेन तर युवा गाउँ छाडे पनि गाउँको बिकाश र निर्माणमा भुमिका निभाउँदैनन् भन्ने कुरा भने गलत हुन सक्छ । यस्तै उदाहरणीय काममा जुटेका छन् जिल्लाको भुमिकास्थान नगरपालिका १० का युवाहरु । यसैको प्रयास स्वरुप गाउँमा मन्दिर र खेलकुद मैदान निर्माणमा गाउँ बाहिरै भए पनि जुटेका छन् । साविक धन्चौर गा.बि.स वडा नं ९ माइकाथानमा मालिका मन्दिरको निर्माण गर्ने र मन्दिर परिसरको खुला चौरलाई खेलकुद मैदानको रुपमा बिकाश गर्ने गरि योजना अगाडि सारिएको निर्माण अभियान्ता मध्येका एक पदम आर्चायले जानकारी दिए । धार्मिक स्थलको निर्माण र खेलकुद मार्फत गाउँमा बिकाश गर्ने लक्ष्य राखिएको आर्चायले बताए । हाल दुवईमा रहेका आर्चायले कोरियामा रहेका लक्ष्मण गैरे, भारतमा रहेका पदम भट्टराई र बुटवलमा रहेका अनमोल आचार्यको सहयोगमा अभियान चलाए, गाउँका सफल उद्यमी तथा बिकाश प्रेमी युवा बिष्णु आर्चायले काठमाण्डौबाट र साथमा बिकाश आचार्य र आशा छिनालले अभिभावकत्व प्रदान गर्दै मुख्य सहयोगीको रुपमा हात बढाए । उनीहरुले सहयोगका लागि सामजिक संजाल फेसबुक मार्फत निर्माण कार्यका लागि आवश्यक रकमको जोहो गर्ने अभियान चलाएका छन् । त्यही अभियानमा दिन प्रतिदिन गाउँबाट रोजगारीमा बिभिन्न देशमा पुगेका युवा र स्वदेशमै बिभिन्न स्थानमा रहेका सहयोगी हातहरु यति बेला सक्दो सहयोगका लागि जुटेका छन् । ‘सबैको सहयोगले का मगर्ने उत्साह मिलेको छ ’ आर्चायले भने ‘ स्थानीय तहबाट पनि यस्तो पबित्र उद्धेश्यमा सहयोग होस् भन्ने थियो तर हुन सकेको छैन तै पनि जुटिरहेका छौ ’ । मन्दिर र खेल मैदान निर्माणमा अधिकांश रोजगारीका लागि दक्षिण कोरिया पुगेका युवाहरु छन् भने अन्य मुलुकमा रोजगारीमा पुगेका युवाहरु र स्वदेशमै बिभिन्न पेशा व्यवसायमा संलग्न युवाहरु समेत छन् ।

योजनाका लागि ६ लाख नगद र स्थानीय श्रमदानको लागत अनुमान गरिएकोमा सहयोग आउने क्रम जारी रहेको अभियान्ता आर्चायले बताए । यूवाहरु स्वयम उपस्थिति जनाउन नसक्ने भए पनि गाउँमा भएका अभिभावकहरुको संलग्नतामा निर्माण समिति बनाएका छन् । फर्सुराम भट्टराईको अध्यक्षतामा गठित निर्माण समितिमा सचिव सबिता खनाल, कोषाध्यक्षमा रघुनाथ भट्टराई, सदस्यमा लालु प्रसाद आर्चाय लगायत छन् । निर्माण समितिका अध्यक्ष फर्सुराम भट्टराईले युवाहरुको बिदेशमा रहेर पनि गाउँको बिकाशका निम्ति गरिएको पहलको प्रशंसा गर्दै आफुहरुले गाउँमा रहेर योजना सम्पन्न गर्न लागि पर्ने बताए । अहिले मन्दिरको घडेरी निर्माण कार्य सम्पन्न भएको र बाँकी काम पनि छिट्टै शुरु गरिने अध्यक्ष भट्टराईले बताए । मन्दिर निर्माण पछि हरेक आइतबार गरिने मालिकाको पुजालाई नियमितता दिन सजिलो हुने र खेलकुदको लागि वरपर खुला ठाउँ नभएकोले मैदानले त्यस क्षेत्रको खेलकुद बिकाशमा टेवा पुग्ने भट्टराईले जानकारी दिए । समितिले आवश्यक सहयोगको गर्न चाहनेहरुका लागि बैंक खाता पनि खोलेको छ । अध्यक्ष भट्टराईले भने ‘यस पबित्र उद्धेश्यमा सहयोग गर्न चाहने जो कोहीले मालिका मन्दिर निर्माण समितिको राष्ट्रिय बाणिज्य बैंक खाता नं ३०५०००७३२३०१ मा रकम जम्मा गर्न सक्नु हुनेछ ।’

फेसबुकबाट तपाईको प्रतिक्रिया

ताजा समाचार

  • जेठ २५ भित्र कर बुझाउन करदातालाई सरकारको निर्देशन नबुझाए जरिवाना…
  • जनता र जनप्रतिनिधि नचिन्ने अर्थमन्त्रीले जनभावना बुझ्न नसक्ने नेता कण्डेलको…
  • महामारीको दोस्रो छाल पहिलो भन्दा पनि घातक हुन सक्छ-डब्ल्युएचओ
  • कोरोनालार्ई परास्त गरि नवलपरासीका पहिलो कोरोना संक्रमित सहित ३ जना…
  • लकडाउन प्रभावित परिवारलाई राहत वितरण गर्दै अभियानता चौधरी
  • नेपाल शिक्षक संघद्धारा गलकोट नगरपालिकाको राहत कोषमा दश हजारको चेक…
  • दशगजामा सडक निर्माण कार्य अबिलम्ब रोक्न भारतलाई चेतावनी
  • समाजवादी र राजपाले दर्ता गराए संविधान संशोधन प्रस्ताव
  • माछा मार्ने कारवाहिमा
  • पश्चिम नवलपरासीको सरावलमा १ जनामा कोरोना संक्रमित, जिल्लामा संक्रमित ६…