भूकम्पका कारण बन्द भएको तातोपानी नाका चार वर्षपछि आयो सञ्चालनमा

१४ जेष्ठ २०७६, मंगलवार ०   बिचार / प्रतिक्रिया
0 Shares


काठमाडौं – २०७२ सालको विनासकारी भूकम्पलगत्तै बन्द भएको उत्तरी तातोपानी नाका चार वर्षपछि सञ्चालनमा आएको छ। मंगलबार बिहान ४ वटा खाली कन्टेनर ऊन ल्याउन खासा पठाएपछि औपचारिक रुपमा नाका सञ्चालनमा आएको हो। नेपाल–चीन पास प्रक्रिया पूरा गरेर ऊन ल्याउन खासा प्रवेश गराउँदै तातोपानी नाका व्यवसायिक रुपमा खुलेको भोटेकोशी गाउँपालिका प्रमुख राजकुमार पौडेलले बताए।

नेपाल–चीन जोड्ने मितेरी पुल निर्माण अझै नसकिएपनि भोटेकोशीमा अस्थायी रूपमा चल्तीमा ल्याइएको पुलमुनिको कच्ची सडकको पुलबाट खाली कन्टेनर खासातर्फ गएका छन्। सोमबार बेलुकी नै ४ वटा कन्टेनर ‘पास सिस्टम’सकेर तयारी हालतमा थिए।
बुधवार चार वटा कन्टेनर ऊन लिएर नेपालमा नाका खुलेको संकेत दिँदै सो सामाग्री राजधानी पुर्‍याइनेछ।

नेपालतर्फ नयाँ भवन नबनेका कारण अध्यागमन, भन्सार चेकपोष्ट र सीमा सुरक्षाको कार्यालय मितेरी पुल नजिकै रहनुपर्ने कारणले पुरानै भवन प्रयोगमा ल्याइने भएको छ। त्यसैको लागि यहाँको संरचना रंगरोगन गरेर चिटिक्क पारिएको छ। चिनियाँ पक्षले सुरक्षा संवेदनशीलतालाई ध्यानमा राखेर नेपालतर्फ रहेको सुक्खा बन्दरगाहमै नेपालीहरूलाई राख्ने चाहना राखेको स्थानीयले बताएका छन् । सीमित प्रवेश पास भएका व्यक्तिलाई मात्र खासा बजार प्रवेश दिन र अन्यलाई सुक्खा बन्दरगाहबाट काम चलाउने चिनियाँ तयारी छ।

फेसबुकबाट तपाईको प्रतिक्रिया

ताजा समाचार

  • यात्रीलाई कुरुप भन्ने विमानस्थल कर्मचारीको जागिर गयो
  • भारतमा फेला परे नयाँ प्रजातिका माछा
  • घुस लिएको अभियोगमा सबइञ्जिनीयर पक्राउ
  • भारतमा हिमाचल राज्यमा घरमाथि रुख ढल्दा २ नेपालीको मृत्यु,पाँच जना…
  • पत्रकार डायलसन अधिकारीको निधन प्रती सभापति भरत कुमार शाह दुःख…
  • रोट्रयाक्ट डाउनटाउन द्वारा पर्यटन प्रबर्द्धन कार्यक्रम सम्पन्न
  • काठमाडौं प्रहरी प्रमुखलाई फेसबूकमा गाली गरेको भन्दै एक युवक पक्राउ
  • बोक्सीको आरोप लगाउँदै महिलालाई मलमूत्र खुवाइयो
  • चितवनका प्रहरी प्रमुखले भने– आन्दोनकारीमाथि सूक्ष्म निगरानी गरिरहेका छौं
  • शिल्पा पोखरेललाई पक्राउ नगर्न सर्वोच्चको आदेश