‘पार्टी विधानअनुसार चल्न सकेन’

१८ जेष्ठ २०७६, शनिबार ०   बिचार / प्रतिक्रिया
32 Shares


काठमाडाँ – नेपाली काङ्ग्रेसका नेताहरुले पार्टी विधि र विधानअनुसार चल्न नसकेको बताएका छन् । नेपाली काङ्ग्रेस लमजुङ–काठमाडौँ सम्पर्क समितिले आज यहाँ आयोजना गरेको ‘राष्ट्रिय जागरण अभियान’मा पार्टीलाई बलियो बनाउन वैधानिक ढङ्गले चल्नुपर्ने बताएका हुन् ।

काङ्ग्रेस केन्द्रीय सदस्य दिलबहादुर घर्तीले पार्टीलाई बलियो बनाउन पार्टी नेतृत्वले विधानको पालना गर्नुपर्ने बताउनुभयो । “जागरण अभियानले काङ्ग्रेसलाई जनतासम्म लैजान मद्दत पुगेको छ”, उहाँले भन्नुभयो । नेता घर्तीले सरकार संविधानको मर्म र भावनाअनुसार चल्न नसकेको आरोप लगाउनुभयो । अर्का केन्द्रीय सदस्य कमला पन्तले स्थानीय तहदेखि केन्द्रसम्म पार्टीको संरचनालाई पूर्णता दिए मात्र पार्टी बलियो हुने बताउनुभयो । “भ्रातृ संस्था र शुभेच्छुक संस्थाको अधिवेशन तोकिएको समयमा हुन नसक्दा पार्टी कमजोर हुँदै गएको छ”, उहाँले भन्नुभयो ।

केन्द्रीय सदस्य प्रदीप पौडेलले काङ्ग्रेसलाई बलियो बनाउन पार्टीभित्र वृहद एकता आवश्यक रहेको बताउनुभयो । “समृद्धिको नारा बोकेको वर्तमान सरकारले समृद्धिको जग बसाल्न सकेन”, उहाँले भन्नुभयो । पार्टीका लमजुङ सभापति भेषबहादुर पौडेलले गाउँगाउँमा रहेका विद्यार्थी, महिला, किसानको भावनालाई समावेश गरेर अगाडि बढेमात्र काङ्ग्रेस लमजुङको सङ्गठन बलियो हुने बताउनुभयो ।

नेता विष्णुप्रसाद धितालले नेता र कार्यकर्ता एकताबद्ध भएर अगाडि बढेमात्र काङ्ग्रेसको सङ्गठन बलियो हुने बताउनुभयो । सम्पर्क समितिका अध्यक्ष प्रदीपराज अधिकारी, नेपाल विद्यार्थी सङ्घका निवर्तमान कोषाध्यक्ष शिव रिमाल, नेविसङ्घ लमजुङ–काठमाडौँ सम्पर्क समितिका उपाध्यक्ष सुमन बसौलालगायतले काङ्ग्रेसलाई बलियो बनाउन युवामुखी कार्यक्रम अगाडि बढाउनुपर्नेमा जोड दिनुभयो ।

आठ स्थानीय तहमा संयोजक तोकियो – पार्टीको सङ्गठनलाई बलियो बनाउन लमजुङबाट काठमाडौँ आई बसोबास गर्ने व्यक्तिलाई लमजुङको आठ स्थानीय तहको संयोजक तोकेको छ । वेसीशहर नगरपालिकामा शङ्करदेव जोशी, सुन्दरबजार नगरपालिकामा माधवप्रसाद अधिकारी, राइनास नगरपालिकामा आशिस अधिकारी र मध्यनेपाल नगरपालिकामा विजयरञ्जन पौडेललाई संयोजक तोकिएको छ । यस्तै, क्होलासोथर गाउँपालिकामा धनबहादुर गुरुङ, दोर्दी गाउँपालिकामा गजेन्द्र घले, मस्र्याङ्दी गाउँपालिकामा टिका भण्डारी र दूधपोखरी गाउँपालिकामा राजन दवाडीलाई संयोजक तोकिएको हो ।

फेसबुकबाट तपाईको प्रतिक्रिया

ताजा समाचार

  • आज मात्र थप १८९ जनामा कोरोनाको संक्रमण पुष्टि,भएसंगै संक्रमितको संख्या…
  • क्वारेन्टिनमा बसेकी बाजुराकी महिलाले बच्चा जन्माईन
  • किसानको तरकारी नगरपालिकाबाट खरिद बिक्री
  • क्वारेन्टाइन बसेर घर जाने प्रवासीलाई सित्तैमा कण्डम
  • स्कुल अफ डेमोक्रेसीको संरचना प्रदेश र जिल्ला तहमा ! गण्डकी…
  • जनमुक्ति पार्टीको माग : कोरोनाविरुद्ध लड्न सर्वदलीय संयन्त्र बनाऊ
  • रुकुमको घटनामा सत्य तथ्यका छानविनका लागी संसदीय समिति गठन गर्न…
  • रुकुम र देवदह घटनामा संयुक्त राष्ट्र संघको गम्भीर चासो ,…
  • फेसबुक संस्थापक जुकरबर्गले दुई महिनामै कमाए ३० अर्ब डलर
  • काँग्रेस केन्द्रीय समिति आज वैठक वस्ने