काठमाडौं– चिकित्सा शिक्षा आयोगले शिक्षाध्यक्षको अध्यक्षतामा परीक्षा समिति गठन गर्न बीपी कोइराला स्वास्थ्य विज्ञान प्रतिष्ठानलाई निर्देशन दिएको छ ।
प्रतिष्ठानका उपकुलपतिले डीनको अध्यक्षतामा परीक्षा समिति गठन गरेको भन्दै उजुरी परेपछि आयोगले शिक्षाध्यक्षकै अध्यक्षतामा परीक्षा समिति गठन गर्न प्रतिष्ठानलाई निर्देशन दिएको हो । प्रतिष्ठानका उपकुलपति डा। राजकुमार रौनियारले डीनको अध्यक्षतामा परीक्षा समिति गठन गरेपछि बीपी प्रतिष्ठानका केही चिकित्सक तथा विद्यार्थी प्रधानमन्त्री कार्यालय, शिक्षा मन्त्रालय र स्वास्थ्य मन्त्रालयमा समेत उजुरी दिएका थिए । उजुरीपछि आयोगको चैत ४ गतेको बैठकले संघको निर्णयअनुसार नै प्रवेश परीषा सञ्चालन गर्नेगरी व्यवस्था मिलाउन निर्देशन दिने निर्णय गरेको थियो ।
प्रतिष्ठानका कुलपति एवं प्रधानमन्त्री केपी शर्मा ओलीको निर्देशनपछि आयोगका सहअध्यक्ष एवं शिक्षा, विज्ञान तथा प्रविधि मन्त्री गिरिराजमणि पोखरेलले शिक्षाध्यक्षको अध्यक्षतामा प्रवेश परीक्षा समिति गठन गर्न प्रतिष्ठानलाई पत्राचार गरेका छन् । बीपी प्रतिष्ठानमा उपकुलपति डा। रौनियारलाई गत फागुनमा प्रधानमन्त्री केपीशर्मा ओलीको सरकारले पदबाट हटाउने निर्णय समेत गरेको थियो । सरकारको निर्णय विरुद्ध डा रौनियारले सर्वोच्च अदालत गएपछि सरकारको निर्णय तत्काल कार्यन्वयन नगराउन सर्वोच्वले आदेश जारी गरेको थियो ।
त्यसपछि डा रौनियार प्रतिष्ठानमै रहेका छन् । डा रौनियारको मुद्धा सर्वोच्वमा विचाराधिन रहेको छ । उनको पेशी जेठ ३० गते बिहीबार तोकिएको छ ।खवरहव वाट सभार
थप समाचार
रायमाझीसहित सात प्रतिवादीलाई थुनामै पठाउन आदेश
