छुट्टा छुट्टै घटनामा परि दाङमा तीन जनाको मृत्यु

छुट्टा छुट्टै घटनामा परि दाङमा तीन जनाको मृत्यु भएको छ । पश्चिम दाङको दंगिशरण गाउँपालिका वडा नं. ७ बोगटी भन्ने स्थानमा आइतवार मध्यान्ह १२ बजेतिर भएको मोटरसाईकल दुर्घटनामा परि एकजनाको मृत्यु भएको छ भने चालक गम्भीर घाइते छन् । रा २ प ५६७१ नं.को मोटरसाईकल दुर्घटना हुँदा शान्तिनगर गाउँपालिका वडा नं. ५ बाँका निवासी अन्दाजी ३६ बर्षीया मोहनी चौधरीको राप्ती अंचल अस्पताल तुलसीपुरमा उपचारका क्रममा मृत्यु भएको ईलाका प्रहरी कार्यालय तुलसीपुरका प्रमुख प्रकाश सापकोटाले जानकारी दिनुभयो । दुर्घटनामा परि मोटरसाईलक चालक अन्दाजी ३८ बर्षीय मोहन चौधरी गम्भीर घाइते हुनु भएको छ । उहाको राप्ती अंचल अस्पताल तुलसीपुरमा उपचार जारी रहेको छ । तुलसीपुर तर्फ आउँदै गरेको मोटरसाईकल अनियन्त्रित भइ नालीमा खस्दा उक्त दुर्घटना भएको प्रहरीले बताएको छ । यत्ता ग्वारखोलामा आएको बाढीले बगाउँदा तुलसीपुरमा एकजनाको मृत्यु भएको छ ।

तुलसीपुर उपमहानगरपालिका वडा नं. १२ निवासी ४५ बर्षीय परशुराम चौधरीको मृत्यु भएको ईप्रका तुलसीपुरका प्रमुख सापकोटाले जानकारी दिनु भयो । शनिवार साँझ सुसुरालीबाट फर्किने क्रममा चौधरीलाई खोलाले बगाएको थियो । उहाको शव तुलसीपुर– भोजपुर सडक खण्डको पुल नजिकै आइतवार मध्यान्ह ः तिर फेला परेको डिएसपी सापकोटाले जानकारी दिनुभयो । त्यस्तै तुलसीपुर उपमहानगरपालिका वडा नं. १६ भेलाहीमा ८ बर्षीय अभिशेक चौधरीको मृत्यु डुवेर मृत्यु भएको छ । शनिवार दिउँसो ४ ः ४० बजे स्थानीय कुलोमा आएको बाढीले बगाउँदा चौधरीको मृत्यु भएको डिएसपी सापकोटाले जानकारी दिनुभयो ।