एजेन्सी -नेदरल्याण्ड्सकी एकजना किशोरीले वैधानिक रुपमै स्वेच्छाले आफ्नो प्राण त्यागेकी छिन् । ११ वर्षको उमेरदेखि विभिन्न यौन दुराचारको शिकार बनेकी १७ वर्षे किशोरी नोहा पोटभेनले हालै स्वेच्छाले प्राण त्यागेकी हुन् ।डिप्रेसनको शिकार बनेकी उनी बाँच्नै नसक्ने अवस्थामा पुगेपछि उनलाई प्राण त्याग्न चिकित्सकले अनुमित दिएका थिए । अन्र्हाम शहरकी उनले आफ्नै कोठामा प्राण त्यागेको जनाइएको छ । उनलाई प्राण त्याग्नका लागि चिकित्सकले प्राणघातक औषधी दिएका थिए ।
आफ्नो प्राण त्याग्नुअघि उनले सामाजिक सञ्जालमा आफू डिप्रेसनबाट हार खाएपछि प्राण त्याग्ने अवस्थामा पुगेको लेखेकी छिन् । सामाजिक सञ्जालमा उनले आगामी १० दिनभित्र आफू प्राण त्याग्न गइरहेको जनाएकी छिन् ।उनले निकै लामो समयदेखि आफूले खानपिन गर्न समेत बन्द गरेको जनाएकी छिन् । डिप्रेसनमा गएको उनको अवस्थाबारे उनका अभिभावक अनभिज्ञ रहेको तर, पछि पोटभेनले आफ्ना परिवार, साथीभाई तथा आफन्तका लागि अन्तिम पत्र लेखेर आफ्नो कोठामा छाडेकी थिइन् ।उनकी आमाले उनले लेखेको ‘अन्तिम पत्र’ पढेपछि मात्र उनको अवस्थाबारे परिवारले थाहा पाएका थिए । उनको अवस्था थाहा पाएर परिवारका सदस्यहरु चकित परेका थिए । धेरै ठूलो धैर्यतापश्चात उनलाई प्राण त्याग्न दिन राजी भएका थिए ।
उनी शुरुमा ११ वर्षको उमेरमा एक जन्मदिनको पार्टीमा यौन दुराचारको शिकार बनेको जनाइएको छ । त्यस लगत्तैको वर्ष उनी अर्को पार्टीमा यौन दुराचारको शिकार बनेकी थिइन् । पछि १४ वर्षको उमेरमा अन्र्हेम शहरको एल्डरवेल्ड क्षेत्रमा दुई युवकबाट बलात्कृत भएकी थिइन् । उनले सामाजिक भय र लाजले यस कुरालाई गोप्य राखेको तर भित्रभित्रै डिप्रेसनमा पुगेको जनाइएको छ ।नेदरल्याण्ड्समा १२ वर्ष भन्दा बढी उमेरकालाई इच्छामृत्युको अधिकार दिइएको छ । त्यहाँ जीवनमा असह्य पीडा भोगिरहेकालाई निकै कठोर प्रक्रियापश्चात इच्छामृत्युको विकल्प दिने गरिएको छ । नेदरल्याण्ड्समा १७ वर्षको उमेर भएकाले इच्छामृत्युका लागि अभिभावकको अनुमति नचाहिने प्रावधान छ । नेदरल्याण्ड्समा सन् २०१७ मा ६ हजार ५ सय भन्दा धेरैले इच्छामृत्युको विकल्प रोजेका थिए ।
थप समाचार
पोर्चुगलमा अन्र्तराष्ट्रिय साहित्य सम्मेलन हुँदै
