टेलिकमको ‘फाइबर टू होम’ सेवा शुरु

१७ असार २०७६, मंगलवार ०   बिचार / प्रतिक्रिया
25 Shares


सुर्खेत – प्रदेश राजधानी वीरेन्द्रनगरमा नेपाल टेलिकमको ‘फाइबर टू होम’ सेवा शुरु भएको छ । कर्णाली प्रदेशका आन्तरिक मामिला तथा कानूनमन्त्री नरेश भण्डारीले आज दिउँसो मुख्यमन्त्री महेन्द्रबहादुर शाहीलाई फोन गरेर सेवा शुभारम्भ गर्नुभएको हो ।  टेलिफोन सन्देशमा मुख्यमन्त्री शाहीले कर्णाली सरकारले अघि सारेको डिजिटल प्रदेशको कार्ययोजनालाई पूरा गर्न यो सेवाले थप मद्दत पुग्ने विश्वास व्यक्त गर्नुभयो ।

“टेलिकमको सेवालाई प्रभावकारी बनाई सहुलियत दरमा नागरिकलाई सेवा प्रवाह गर्न निर्देशन दिनुभयो”, मुख्यमन्त्रीको भनाइ उद्धृत गर्दैै कानूनमन्त्री भण्डारीले भन्नुभयो, “हरेक नागरिकलाई सूचना प्रविधिको पहुँचमा जोड्न प्रदेश सरकारले प्राथमिकताका साथ काम अघि बढाइरहेको छ ।”

टेलिकमले वीरेन्द्रनगरमा पहिलो पटक तारसहितको फाइबर टू होम सेवा विस्तार गरेको हो । टेलिकम क्षेत्रीय कार्यालय नेपालगञ्जका प्रबन्धक प्रकाशमान प्रधानले आठ एमविपिएससहित इन्टरनेट सेवा र टेलिफोनको वार्षिक रु आठ हजार शुल्क रहेको जानकारी दिनुभयो । उहाँका अनुसार फाइबर टू होम सेवा व्यक्तिगत, व्यवसायी र कार्यालय प्रयोजनका लागि छुट्टाछुट्टै गतिका विभिन्न एमविपिएसमा उपलब्ध गराइनेछ ।टेलिकमले निकट भविष्यमै दैलेख सदरमुकाममा पनि फाइबर टू होम सेवा विस्तार गर्ने जनाएको छ । क्षेत्रीय प्रबन्धक प्रधानले सुर्खेतमा ताररहितको फोरजी सेवा पनि छिट्टै सञ्चालन गर्ने तयारी रहेको बताउनुभयो । – रासस

फेसबुकबाट तपाईको प्रतिक्रिया

ताजा समाचार

  • मर्चवारीमा समाजवादीको गाउंपालिका समिति गठन
  • पश्चिम सरावल १ मा दोस्रो वडाध्यक्ष कप पुरुष फुटबल प्रतियोगिता…
  • श्रीमद् भागवत पितृमोक्ष धनधन्याञ्चल सप्ताह ज्ञान महायज्ञ तेस्रो दिन पनि…
  • साना किसान कृषि सहकारी सस्थां लिमिटेडको १७औ साधारण सभा सम्पन्न
  • बर्दघाटमा एक दिने निशुल्क स्वास्थ्य शिविर सम्पन्न
  • आदिकवि भानुभक्त आचार्यको स्मृतिमा बन्यो – ‘रामायण भवन’
  • धनुषा बम विस्फोटमा परी मृत्यु भएका इन्स्पेक्टर दाहालको आर्यघाटमा अन्त्येष्टि
  • सहकारीको ३० प्रतिशत लगानी कृषिमा अनिवार्य गरिंदै
  • विवाह भोजको खर्च धुर्मुस सुन्तली फाउन्डेसनलाई सहयोग गर्ने नव दम्पती
  • चक्कु प्रहार गरी तिलोत्तमा निवासी परीयारको हत्या