सिड्नी – अस्ट्रेलियाको नेपालीहरु बढी भएको शहर सिड्नीमा सामुदायिक भवन निर्माणको पहल अगाडि बढाइएको छ । बिहीबार दिउँसो न्यु साउथ वेल्सका लागि नेपाली महाबाणिज्यदूत दीपक खड्कासहितको एक टोलीले पश्चिम सिड्नीको कम्बर्ल्याण्ड काउन्सिलमा विकास निवेदन दर्ता गराएको छ ।
अस्ट्रेलियाको नेपाली समुदायका अगुवाहरु इन्द्रा वन, डा. सम्शेर सिंह थापा, गोवा कट्वाल, प्रदीप ढकाललगायतको टोली बिहीबार काउन्सिलको कार्यलय पुगेर उक्त निबेदन दिएको थियो । पूर्ण ब्यबसायिक ढाँचामा बन्ने यो सामुदायिक भवनका लागि परिकल्पना निर्माणदेखि अहिलेसम्म निरन्तर खटिरहेका अस्ट्रेलियाका नेपाली कानून ब्यबसायी डा. शम्शेर सिंह थापाका अनुसार – २०१३ देखि सुरु भएको सामुदायिक भवन निर्माणको महत्वपूर्ण चरणको काम बिहीबार सकिएको छ । उनले कानुनी प्रकृया पूरा गर्न समय लागे पनि दर्ता भएपछि निर्मान कार्य सुरु हुन समय नलाग्ने बिस्वाश ब्यक्त गरे । उनले भने – यो नेपालीहरुका लागि गौरवको कुरा हो, सम्पूर्ण सुबिधासहितको अत्याधुनिक तर नेपाली मौलिक शैली र संरचनाको भवन निर्मण हुने छ ।- अनलाइनखबर
थप समाचार
पोर्चुगलमा अन्र्तराष्ट्रिय साहित्य सम्मेलन हुँदै
