पाल्पा –पाल्पा जिल्लाको रिब्दीकोट गाउँपालिका ३ हार्थोक– सर्देवा सडक खण्डामा जीप दुर्घटना हुँदा एक जनाको ज्यान गएको छ, भने चालकसहित १४ जना घाइते भएका छन् ।बुटवलबाट सर्देवा तर्फ जादै गरेको लु।अ।अ। ब। ४१९४ नम्वरको बलेरो जीप मंगलबार दुर्घटना भएको हो । दुर्घटनामा ज्यान गएको रैनादेवी छहरा गाउँपालिका ५ की ७० वर्षकी हिमा देबी बुढाथोकी हुन् । उनको उपचारको क्रममा मृत्यु भएको प्रहरीले जनाएको छ ।
घाइते हुनेहरुमा पर्सा जिल्ला पर्सागढी नगरपालिकाका २६ वर्षका नारायणबहादुर बस्नेत, रैनादेवी छहरा गाउँपालिका ४ का २८ वर्षकी जुना थापा मगर, वडा १ का चालक २२ वर्षका खड्कबहादुर रेश्मी, वडा ५ का ६४ वर्षका टिकाबहादुर थापा, सोही स्थानका ५४ वर्षकी मनकुमारी थापा, ४ वर्षकी वर्षा कुमारी पुन, २९ वर्षकी कमला सिहं मगर, २६ वर्षकी मिना पुन, ४ वर्षकी रक्षा पुन, ३५ वर्षका थमन सिहं मगर, २४ वर्षका नेत्रबहादुर दर्लामी, वडा ६ का २८ वर्षका योग नारायण पुन, सोही स्थानका २ वर्षका रञ्जित पुन, १९ वर्षका राजन दर्लामी रहेको जिल्ला प्रहरी कार्यालय पाल्पाले जनाएको छ ।गाडी अनियन्त्रित भई सडक देखि ३० मिटर तल खसेको थियो । घाइतेहरुको अवस्था सामन्य रहेको र युनाईटेड मिसन अस्पतालमा उपचार भइरहेको प्रहरीले जनाएको छ ।
