पाणिनि गाउँपालिका दुध, अण्डा, मासुमा आत्मनिर्भर : अध्यक्ष गाैतम

२७ असार २०७६, शुक्रबार ०   बिचार / प्रतिक्रिया
120 Shares


घनश्याम पौडेल । पाणिनि गाउँपालिकाका अध्यक्ष अच्युत गौतमले पालिकाभित्र रहेका सवै क्षेत्रलाई समेटेर वजेट विनियोजन गरेको बताएका छन् । पाणिनि गाउँपालिका वडा नम्बर २ पोखराथोकको आयोजनामा असहाय महिला, अपाङ्ग, दलित, जनजाति तथा ज्येष्ठ नागरिक सम्मानमा अध्यक्ष गौतमले सबै जातजाति, धर्म, संस्कृतिको रक्षा गर्दै सबै क्षेत्रका मानिसलाई सम्मान गरेको बताए ।

उनले पाणिनि गाउँपालिकाले बाख्राको हवको रूपमा विकास गरि अड्गुरी, मैदान र पोखराथोकमा बोयर हवको रूपमा विकास गर्ने गरी गाउँपालिका अगाडि बढेको बताए । पाणिनि गाउँपालिका दूध, मासु र अण्डामा आत्मनिर्भर बनेको छ, उत्पादनका आधारमा दुधमा अनुदान दिन थालेपछि कृषकहरू थप व्यवसायिक रूपमा पशुपालनमा लागेको बताए । कार्यक्रममा ८० जनालाई नगद र कासको थाल वितरण गरि सम्मान गरिएको थियो । वडा अध्यक्ष नेत्रप्रसाद भट्टराईको अध्यक्षता सम्पन्न कार्यक्रममा कार्यपालिका सदस्य लक्ष्मि विक, वडा सदस्य रामबहादुर गौतम, सचिव टेकराज श्रेष्ठ, स्थानीय चन्द्रकान्त पौडेल, ठाकुरप्रसाद गौतमले मन्तव्य राखेका थिए ।

फेसबुकबाट तपाईको प्रतिक्रिया