मोतीजयन्तीको अवसर पारेर बेलायतको राजधानी लण्डनमा ‘गजलसाँझ’ को आयोजना हुने भउको छ । एनआरएनए, युकेको भाषासाहित्यविभागको आयोजनामा युवाकवि एवं प्रसिद्ध गजलकार मोतीराम भट्टको संस्मरण गर्दै पहिलोपल्ट भव्य रूपमा गजलसाँझको आयोजना गर्न लागिएको कार्यक्रम संयोजक कृष्ण भट्टले जानकारी दिए ।
आगामी सेप्टेम्बर ९, आइतबार लण्डनको साउथह्यारोस्थित ‘ह्यारो बरो फुटबल क्लब’ मा आयोजना हुने कार्यक्रममा गजलकार रवि प्राञ्जल र करुण थापाले प्रस्तुति दिने छन् । प्राञ्जल र थापाले कार्यक्रममा १०(१० वटा गजलवाचन गर्नेछन् ।
कार्यक्रममा डा। रूपक श्रेष्ठ, नारायण गाउँले, नृपेश उप्रेतीलगायतका केही स्थानीय गजलकारले पनि गजलवाचन गर्ने आयोजकले जनाएको छ । प्रसिद्ध गायिका शर्मिला बर्देवा र गायक प्रमोद राज न्यौपानेले गजल(गायनसमेत प्रस्तुत गर्नेछन् ।
बेलुका चार बजेबाट सुरु हुने उक्त गजलसाँझको प्रमुख आतिथ्य बेलायतका निम्ति नेपाली राजदूत डा। दुर्गाबहादुर सुवेदी ९दुबसु क्षेत्री० को रहनेछ भने समाजका प्रतिष्ठित व्यक्तिहरूको श्रोताका रूपमा उपस्थिति रहने विश्वास गरिएको छ । कार्यक्रमको प्रवेश शुल्क १५ पाउण्ड राखिएको छ ।
कार्यक्रमका लागि शिक्षाकर्मी एवं समाजसेवी कृष्ण भट्टको संयोजकत्वमा नारायण गाउँले, नृपेश उप्रेती, लक्ष्मी ‘लारा’ राई र कृष्ण तिवारी सम्मिलित एउटा आयोजक समिति गठन गरिएको छ ।
समय मिलेसम्म कार्यक्रममा उपस्थित भएर मनोरञ्जनका साथ साहित्यको सम्बर्द्धनमा योगदान पुऱ्याउन बेलायतवासी नेपालीलाई आयोजक समितिले आग्रह गरेको छ ।
थप समाचार
पोर्चुगलमा अन्र्तराष्ट्रिय साहित्य सम्मेलन हुँदै
