जिप्रका स्याङ्जाको प्रगति २९ शिर्षकका ३२९ वटा मुद्धा दर्ता

१३ श्रावण २०७६, सोमबार ०   बिचार / प्रतिक्रिया


श्रीकृष्ण सिग्देल स्याङ्जाआर्थिक बर्ष २०७५÷७६ मा जिल्ला प्रहरी कार्यालयमा बिभिन्न २९ शिर्षकका ३२९ वटा मुद्धा दर्ता भएका छन् । प्रहरी कार्यालयमा दर्ता भएको मुद्धामा झुण्डिएर आत्म हत्या सबै भन्दा धेरै रहेको तथ्याङ्कले देखाएको छ । आर्थिक बर्ष २०७५÷०७६ मा ४६ पुरुष र २३ महिला एक बालक र ५ बालिकाले आत्महत्या गरेको तथ्याङ्क जिल्ला प्रहरी कार्यालय स्याङ्जाले सार्वजनिक गरेको छ । आफ्नो बार्षिक प्रगतिको बारेमा जानाकारी दिने उदेश्यले पत्रकार भेटघाट गर्दै प्रहरी नायब उपरिक्षक नबिन कृष्ण भण्डारीले दर्ता भएका मुद्धामा नैतिकता बिरुद्धको कसुरमा ५३, भबितब्य ज्यानमा २८, फुटकर ज्यान २३, जबरजस्ती करणी २०, लागु औषध १८ रहेको बताए । मुद्धामा आरोपी २६९ पुरुष, १७ महिला र बिदेशी ६ पुरुष गरी २ सय ९२ जनालाई पक्राउ तथा ५६ पुरुष र ७ महिला गरी ६३ जना अझै फरार रहेको भण्डारीले बताए ।

अदालतबाट दोशी ठहर गरी फरार मध्ये एक बर्षमा ७० जना र अनुसन्धानको क्रममा रहेका फरार २३ जनालाई पक्राउ गरेको भण्डारीले बताए । प्रहरीले चलाएको समुदाय प्रहरी साभेदारी कार्यक्रमले शान्ति सुरक्षामा महत्वपूर्ण भुमिका खेलेको छ सुचना अधिकारी समेत रहेका भण्डारीले भने,“यो कार्यक्रमलाई अझै टोल—टोल देखि घर—घरमा पु¥याउनु आवश्यक छ ।” फरार अभियुक्त र समाजमा अराजकता मच्चाउनेलाई पक्राउ गर्न यो कार्यक्रमले सहज भएको छ भण्डारीले भने । साझेदारी कार्यक्रम शुरु भएपश्चात ७६ हजार ६ सय ७६ गाजाका बोट नष्ट मात्रै गरिएन भण्डारीले भने, “सगसगै अबैध रुपले उत्पादन हुदै आएको २१ हजार ३ सय ८८ घरेलु मदिरा नष्ट गरिएको छ ।” साझेदारी कार्यक्रम अन्र्तगतको बिद्यालय केन्द्रित कार्यक्रम बाट ६ हजार ३ सय २२ छात्र र ८ हजार १ सय ३३ छात्रा, ५ सय १७ अभिभावक र ९ सय ४७ शिक्षक शिक्षिका सगँ प्रहरीपुगेको भण्डारीले बताए ।

प्रहरी समुदाय केन्द्रित कार्यक्रम अन्र्तगत १० हजार ५० सगँ पुगेर सचेतना गर्ने काम भएको छ जिल्ला प्रहरी प्रमुख राजकुमार लम्सालले भने,“प्रहरीले १८ बिद्यालयमा प्रहरीसगँ एक दिन कार्यक्रम, रक्तदान, बृक्षारोपण जस्ता कार्यहरु गरेको छ ।” जसले समुदायमा शान्ति सुरक्षा प्रति चासो र अवस्था बारे थाहा पाउन प्रहरीलाई सहज भयो प्रहरी प्रमुख लम्सालले भने । प्रहरी भित्र राम्रो काम गर्ने प्रनाउसहित ३८ जनालाई पुरस्कृत गरिएको छ भने खराव काम गर्ने ३२ जनालाई कारबाही गरिएको प्रहरी उपरिक्षक लम्सालले बताए । प्रहरीले एक बर्षको अवधिमा राम्रा उपलब्धी हासिल गरेको हाम्रो बुझाई छ प्रहरी प्रमुख लम्सालले भने,“सधै प्रहरी नागरिकको हितमा जुटि रहने छ ।” प्रहरीले सधै राम्रा मात्रै काम गर्छ भन्ने बुझाई हाम्रो छैन लम्सालले भने यसमा खबरदारी र सुझाव दिने काम पत्रकारले गर्नुपर्छ ।  नेपालपत्रकार महासंघका अध्यक्ष ओम प्रकाश शर्माले पत्रकार र प्रहरी बिचको सम्बन्ध सधै राम्रो रहनुपर्नेमा जोड दिए ।

फेसबुकबाट तपाईको प्रतिक्रिया